Ja’far Panohiy Kannda yangi filmni taqdim etdi

2010-yilda Panahi hukumatga qarshi faoliyatda ayblanib, olti yillik qamoq jazosiga hukm qilingan. Jazo uy qamog‘iga almashtirildi, rejissyorga esa film suratga olish, mamlakatdan chiqish va intervyu berish taqiqlandi. Shunga qaramay, u kartinalar yaratish va ular bilan jahon kinofestivallarida ishtirok etishni davom ettirdi.

2022-yilda Panahi yana sudlandi va hibsga olindi (u 2023-yil boshida qamoqdan chiqdi). Bundan tashqari, rasmiylar uning mamlakatdan chiqishiga qo‘yilgan taqiqni olib tashladi — aynan shu sababga ko‘ra, postanovkachi Kann ko‘rgazmasining asosiy tanlovida "Oddiy tasodif" nomli yangi kartinani shaxsan taqdim eta oldi.

"Mening avvalgi "Ayiqlarsiz" filmim (film hakamlar hay’atining maxsus mukofotiga sazovor bo‘ldi - tahr.) Venetsiyada, hali qamoqda ekanligimda namoyish etilgan. Keyin ochlik e’lon qildim, meni qo‘yib yuborishdi va bir muncha vaqtdan so‘ng suratga olish ishlariga qaytishim mumkin bo‘ldi. <...> Kino suratga olishim taqiqlangan yillar davomida hatto do‘stlarim ham meni to‘xtatadi, deb o‘ylay boshlashdi. Lekin o‘zimga kino olishdan boshqa hunarim yo‘q, dedim. Bu men yaxshi bajaradigan yagona narsa", — dedi rejissor.

"Oddiy tasodif" filmi qahramoni avtomobil ustaxonasida ishlaydi, u yerga kichik avariyadan so‘ng kechki payt oilasi keladi. U erkakni qamoqxonada so‘roq qilgan odam sifatida taniydi. Qahramon biroz o‘ylanib, qasos olishga qaror qiladi, lekin hammasi reja bo‘yicha ketmaydi.

"Zo‘ravonlikdan qanday qochish mumkinligi haqidagi fikr ushbu filmning asosiy mavzularidan biridir. Biz bunday vaziyatda odamlar o‘zini qanday tutishi mumkinligini ko‘rsatishga harakat qildik," deb ta’kidlab o‘tgan Panohiy.

Ja’far Panohiy "Bu film emas", "Taksi", "Uch yuz" va boshqa kartinalari bilan mashhur. U bir necha bor xalqaro festivallar — Kann, Venetsiya va Berlin festivallari g‘olibi bo‘lgan.