“Joker: Ikki kishilik telbalik” filmining kassa debyuti kutilgandan past boʻlib chiqdi
Boks-ofisning yetakchi tahlilchilari “Ikki kishilik telbalik” filmining ochilish hafta oxiri koʻrsatkichlarini qayta koʻrib chiqdilar. 40 million dollar oʻrniga film 37,8 million dollar mablagʻ toʻpladi.
Xalqaro kinoteatrlar musiqiy filmga 81,1 million dollar daromad keltirdi, umumiy summa esa 118,9 million dollarga yetdi. Film byudjeti 200 million dollarni tashkil etgan.
Shuningdek, “Joker”ning davomi CinemaScore shkalasi boʻyicha tomoshabinlardan D bahosini oldi, bu kinokomikslar tarixidagi eng past koʻrsatkichdir.
“Jinnilik” syujeti Artur Flek (Xoakin Feniks) va Harlin Kvinn (Ledi Gaga)ning tanishuvi haqida hikoya qiladi. Rejissyor lavozimini yana birinchi film muallifi Todd Fillips egalladi. Film Venetsiya kinofestivali tanlovida ishtirok etdi va tanqidchilarning salbiy baholariga sazovor boʻldi.
