Kianu Rivz “Dedpul” rejissyorining ilmiy-fantastik filmida rol o‘ynaydi
“Matritsa” va “Jon Uik” filmlari yulduzi Kianu Rivz yangi fantastik triller “Shiver” (tarj. Titroq) filmida bosh rolni ijro etadi. Bu haqda The Hollywood Reporter xabar bermoqda.
Filmni Tim Miller (“Dedpul”) suratga oladi. Prokat bilan Warner Bros kompaniyasi shug‘ullanadi. Syujet Karib dengizida topshiriqni bajarayotgan omadsiz kontrabandachi haqida hikoya qiladi. Bosh qahramon to‘satdan vaqt halqasiga tushib qoladi va har safar yollanma qotillar hamda akulalar bilan to‘qnash keladi.
Filmning asosiy yo‘nalishi sifatida insayderlar Tom Kruz ishtirokidagi "Kelajak chegarasi" va Bleyk Layvli bilan suratga olingan "Sayozlik" filmlarini ko‘rsatmoqdalar. “Titroq” filmining aniq chiqish sanasi hali ma’lum emas. Ssenariyni Ian Shorr (“Tikan”) yozgan. Prodyusserlar orasida Mettyu Von (“Zarba”) ham bor.
Yaqinda Rivz ishtirokida “Omad” komediyasi ekranlarga chiqdi, unda u farishtani tasvirlagan.
