Lamin Yamal La Liga tarixida o‘ziga xos natija qayd etdi
Kataloniyaning “Barselona” klubi 17 yoshli futbolchi Lamin Yamal La Ligada assistlar bo‘yicha rekord o‘rnatdi. Bu haqda Opta Sports nashriga tayanib Championat xabar berdi.
Kinolarni bepul ko‘rish imkoniyati!
Statistik portalning ma’lumotlariga ko‘ra, 21-asrda Ispaniya chempionatida 20 yoshgacha bo‘lgan hech bir futbolchi bir mavsumda Yamal kabi ko‘p golli uzatma amalga oshirmagan. Ushbu mavsum 17 yoshli futbolchi La Liga doirasidagi 35 uchrashuvda maydonga tushib, o‘z hisobiga 9 ta gol va 15 ta golli yozdirib qo‘ygan.
Umuman olganda, Lamin 2024/25-yilgi mavsum davomida “Barselona” tarkibida 55 ta o‘yinda qatnashib, 18 ta gol va 25 ta assist qayd etdi.
Ma’lumot uchun, Yamal 18 yoshga to‘lgach, “ko‘k-anorranglilar” bilan uzoq muddatli shartnoma imzolashi kutilmoqda. Shuningdek, uning tovon puli 1 milliard yevro etib belgilanadi. Transfermarkt portali hozirda Laminning qiymatini 180 million yevroga baholamoqda.
Eslatib o‘tamiz, joriy mavsum “Barselona” uchun ancha omadli kechdi. Kataloniyaliklar 3 ta sovrin — Ispaniya Superkubogi va Kubogi, shuningdek, La Liga chempionligini qo‘lga kiritdi.
O‘xshash mavzular
