Momaqaldiroqli yozgi havo: O‘zbekistonda haftalik ob-havo haqida so‘zlab beramiz va Zara’dan har kun uchun 7 ta obrazni ko‘rsatamiz
O‘zbekistonda ish haftasi epik va hatto romantik tarzda boshlanadi: yakshanbaga o‘tar kechasi Toshkent aholisi momaqaldiroq gumburlashi va chaqmoq chaqishini guvohi bo‘ladi. Keyin esa hammasi klassik janrda davom etadi: yana havo issiq, quyoshli va konditsionerni quchoqlab yurish yoki ta’til olib, akvaparkka ketish istagi. Agar ta’tilga hali beri chiqmaydigan bo‘lsangiz, o‘zingizni hech bo‘lmasa muzqaymoq va Zara’dan zamonaviy obrazlar bilan xursand qiling: Mashaning aytishicha – bu yordam beradi!
Kino va seriallarni 7 kun bepul tomosha qiling
Toshkentda 16-iyundan 22-iyungacha haftalik ob-havo prognozi
16-iyun
Oldindan aytilganidek, haftaning boshida Toshkent ob-havosi qiziqarli burilishlarni “spoyler” qiladi: tun va tongda momaqaldiroq, deraza ortida +31, kunduzi esa quruq va quyoshli, +37, kechqurun +34. Shamol ham, dovul ham yo‘q.
Mashada:
17-iyun
Dushanba ortidan kelgan seshanba — quyoshli, tiniq va juda yorqin kun bo‘lishi va’da qilinmoqda. Kunduzgi harorat +39 darajaga yetadi va har qanday SPF krem “erib ketadigan” darajada issiq bo‘lishi kutilmoqda. Kechga borib sal yengillik bo‘ladi, lekin hanuz dim: ob-havo xabarchilari +34 va’da qilishmoqda.
Mashada:
18-iyun
Chorshanba kuni Toshkentda havo eng yuqori haroratga yetadi: +41! Kun ozgina bulutli va namlik darajasi juda past bo‘ladi. Havo namlagich sotib olish va hech bo‘lmasa kechgacha uni o‘chirib qo‘ymaslik vaqti kelgan chog‘i: kechasi +33.
Mashada:
19-iyun
Payshanba kuni havo biroz salqinroq bo‘ladi, lekin sezilarli o‘zgarishlarsiz: kunduzi +37, kechqurun +33. Yomg‘ir kutilmaydi, osmon ochiq. Ko‘proq suv iching va ko‘chaga tunda chiqing: chunki tunda yoqimli +26.
Mashada:
20-iyun
Haftaning oxiri bulutli osmon va +29 bilan boshlanadi. Biroq xursand bo‘lmang: kunduzi yana quyosh chiqib, poytaxtni +36 gacha qizdiradi. Kechqurun +31 va bu restoran/kafe yoki barga aylanishga chiqish uchun ayni payt. Chiroyli kiyinishni unutmang!
Mashada:
21-iyun
Haftaning birinchi dam olish kuni issiq, quyoshli va yana dim bo‘ladi. Bu kunda akvapark, basseyn yoki hech bo‘lmasa qarindoshlarning dachasiga bormaslikning hech iloji yo‘q. Kunduzi +36, kechqurun +31.
Mashada:
22-iyun
Tozalik, xarid va uy yumushlariga bag‘ishlangan yakshanba kunini noodatiy tarzda o‘tkazing: barcha ish/tashvishlarni chetga suring va sog‘lig‘ingiz haqida qayg‘uring. Dim havoda o‘tirmang, soya va shinam joylarni qidiring yoki hech bo‘lmasa ventilyatorni yoqing: kunduzi +37, kechqurun +32.
Mashada:
O‘xshash mavzular
