Аббосбек Файзуллаев Европа клубига ўтиш мумкин: трансфер нархи маълум бўлди
Москванинг ЦСКА футбол жамоаси ўйинчиси Аббосбек Файзуллаев Франциянинг «Монако» жамоаси таркибига қўшилиши мумкин.
Yangi yilga eng yaxshi sovg‘ani topdik. BU NIMA?
«РБ Спорт» нашрининг ёзишича, 1-лига клуби 21 ёшли ўзбекистонлик ҳалфбек учун 15 миллион евро тўлашга тайёр. Бироқ армиячилар раҳбарияти футболчини ҳеч бўлмаганда қишки трансфер ойнасининг охиригача ушлаб туриш ниятида.
Қизиғи шундаки, «Монако»да Файзуллаев позициясида россиялик ярим ҳимоячи Александр Головин ўйнайди. Жорий мавсумда Файзуллаев ЦСКА сафида 22 та ўйин ўтказиб, 3 та гол ва 6 та голли узатмани амалга оширди.
Трансфермаркт маълумотларига кўра, футболчининг қиймати айни пайтда олти миллион еврога баҳоланмоқда, бу эса «Монако» таклифини унинг бозор нархидан деярли уч баравар юқори қилади.
