Гвардиола Ҳусановнинг келажаги ҳақида гапирди: у қайси жиҳатини кучайтириши керак?
«Манчестер Сити» бош мураббийи Хосеп Гвардиола «Нюкасл»га қарши тўлиқ ҳаракат қилган ўзбекистонлик ҳимоячи Абдуқодир Ҳусанов ҳақида ўз фикрини билдирди.
Ushbi mavsumda Sharm al-Shayxga
«Ҳусанов учун «Челси»га қарши ўйин қийин бўлди. Бироқ у келажакда буюк футболчига айланиши мумкин. Бу унинг ўзи учун ҳам, жамоамиз учун ҳам ажойиб ҳолат. Унинг потенциали аниқ сезилмоқда.
Абдуқодир бирга-бир вазиятларда жуда тажовузкор, тўп билан яхши муомала қилади ва юқори тезликка эга. Аммо унга қарор қабул қилиш борасидаги кўникмаларини ривожлантириш лозим. Бу эса тажриба ва ёш билан боғлиқ жараён.
У жамоага тез мослашди. Майдон ташқарисида эса камгап ва тортинчоқ», — дейди испаниялик мутахассис матбуот анжуманида.
Маълумот учун, «шаҳарликлар» «Нюкасл»ни 4:0 ҳисобида мағлубиятга учратиб, очколарини 44 тага етказди. Ҳозирда «Манчестер Сити» АПЛ турнир жадвалида 4-ўринда бормоқда.
Гвардиола жамоаси навбатдаги ўйинини «Реал Мадрид»га қарши ўтказади. Дастлабки баҳсда «қироллик клуби» 3:2 ҳисобида ғалаба қозонган эди.
