Бразилиялик эр-хотин энг узоқ никоҳ бўйича жаҳон рекордини ўрнатди
Бразилиялик эр-хотин энг узоқ муддатли никоҳ бўйича жаҳон рекордини ўрнатди. Улар 84 йилу 77 кундан бери бирга яшамоқда. Жуфтлик мустаҳкам оиланинг сирини ошкор қилди.
Kinolarni bepul ko‘rish imkoniyati!
Бу ҳозирда ҳаёт бўлган одамлар орасидаги энг узоқ муддатдир. Бу ҳақда ютуқлар тўплами расмий сайтида маълум қилинган.
105 ёшли Маноэл Анжелим Дино ва 101 ёшли Мария де Соуза Дино 1936 йилда танишган, улар биргаликда қишлоқ хўжалигида меҳнат қилишган.
Бироқ Маноэл ва Мариянинг муносабатлари фақат 4 йилдан сўнг тасодифан яна учрашганларида бошланган.
Маноэлнинг айтишича, у Марияни биринчи кўришдаёқ севиб қолган, аммо қизнинг оиласи дастлаб муносабатларга қарши чиққан. Маноэл Мариянинг ота-онасининг ишончини қозонишга мажбур бўлган ва бунинг учун қиз билан яшаши мумкин бўлган уй қурган.
Биргаликдаги 84 йиллик ҳаёти давомида рекордчилар 13 нафар фарзандни тарбиялаб вояга етказишган. Ҳозирда Маноэл ва Мариянинг 55 нафар невараси, 54 нафар эвараси ва 12 нафар чевараси бор. Уларнинг узоқ йиллик турмушининг сири нимада, деган саволга Мария: «Севги билан» дея жавоб берган.
Буни ҳам ўқинг
