Давлат ташкилотларида 25 март — Ер соати кунида электр энергияси бир соатга ўчирилади
25 март — Ер соати куни муносабати билан Ўзбекистон давлат ташкилотларида электр энергияси бир соатга ўчирилади. Экология вазирлиги фуқароларни ҳам акцияда иштирок этишга чақирди.
Robot changyutgich 56% chegirma bilan. Batafsil ma’lumot bu yerda
Ўзбекистон давлат ташкилотларида 25 март — Ер соати кунида электр энергияси бир соатга ўчирилади. Бу ҳақда Экология, атроф-муҳитни муҳофаза қилиш ва иқлим ўзгариши вазирлиги хабар қилди.
Қайд этилишича, вазирлик ташаббуси билан мамлакатда Ер соати кунига бағишлаб махсус акция ўтказилади.
Акция доирасида барча давлат ташкилотларида электр энергияси бир соатга ўчирилади. Мақсад — тежамкорликка риоя қилиш ва бу орқали сайёрага ғамхўрлик кўрсатиш.
«Қадрли юртдошлар, барчангизни ушбу акцияга бефарқ бўлмасликка ва кун давомида атиги 60 дақиқага электр энергиясидан фойдаланмасликка чақирамиз. Бу билан сиз Ернинг табиий бойликларини асраб-авайлашга ўз ҳиссангизни қўшасиз ва бошқаларни ҳам сайёрамизга ғамхўрлик қилишга руҳлантирасиз», — дейилади вазирлик хабарида.
Ер соати — бу ҳар йили март ойининг сўнггида ўтказиладиган глобал экологик ташаббус бўлиб, у одамларни иқлим ўзгариши ва табиатни асраш масалаларига эътибор қаратишга ундайди. Бу куни бутун дунё бўйлаб миллионлаб одамлар, компаниялар ва ташкилотлар бир соатга ёритиш воситалари ва электр энергиясини талаб қиладиган асбоб-ускуналарни ўчиришади.
Буни ҳам ўқинг
