Европанинг топ клублари қизиқаётган ўзбек юлдузи — Абдуқодир Ҳусанов ҳақида барчаси

Абдуқодир Ҳикматович Ҳусанов 2004 йил 29 февралда туғилган. Ўзбекистоннинг «Бунёдкор» клуби тарбияланувчиси. У клубнинг 18 ёшгача бўлган ёшлар тоифасида ўйнаган.

Клублар

2022-йил март ойида «Энергетик-БГУ» клубига ўтди. Футболчи 45 рақамини олди. Клубдаги дебютини 2022 йил 19 март куни Витебск клубига қарши ўйинда асосий таркибда ўтказди. Илк голини 2022 йилнинг 2-майида «Неман Гродно» клубига қарши ўйинда киритган ва 2 та голли узатма берган.

2022 йил 29 май куни «Славия Мозырь»га қарши ўйинда пеналтидан илк голини киритди. 2022 йил август ойида Халқаро спорт тадқиқотлари маркази маълумотларига кўра дунёнинг энг истиқболли футболчилари рўйхатига киритилган. 2022 йилнинг декабр ойида «Энергетик-БГУ» клуби футболчининг клубда ўйнашда давом этишини эълон қилганди.

2020 йилнинг июл ойида ўзбек ОАВларида футболчига Франсиянинг «РC Ланс» жамоасидан қизиқиш билдирилгани ҳақида хабарлар тарқалди. Кейинчалик, футболчининг франсуз клуби билан шартнома имзолашга яқин қолгани ҳақида ҳам маълумотлар пайдо бўлди. 2023-йилнинг 24-июл куни Франсиянинг етакчи жамоаларидан бири — РC Ленс жамоаси билан шартнома имзолаган. У Франсиянинг Олий дивизиони — Ligue 1 даражасида ўйнаган тарихдаги биринчи ўзбекистонлик футболчига айланди.

Терма жамоа

Ҳусанов 17 ёшгача бўлган Ўзбекистон ёшлар терма жамоасида ўйнаган. 2022 йилнинг июн ойида 19 ёшгача бўлган Ўзбекистон ёшлар терма жамоасида дебют қилган. 2023 йил март ойида Тошкентда ўтказилган Осиё кубоги мусобақасида чемпионликни қўлга киритди. 2023 йилги У20 жаҳон чемпионатида 4 та учрашувда иштирок этди. 2023 йил июн ойида Ўзбекистон миллий терма жамоаси сафида CAFA Миллатлар Кубоги мусобоқасида, Уммон терма жамоасига қарши ўйинда илк бор дебют қилди.

Футболчига кимлар қизиқяпти?

Айни вақтда Ҳусановга Англиянинг «Манчестер Сити» клуби қизиқиш билдираётгани тасдиқланган. Бу маълумотни футбол инсайдери Фабрицио Романо ўзининг ижтимоий тармоқдаги саҳифасида ёзиб қолдирган.

Трансфермаркт маълумотларига кўра, Абдуқодирнинг айни кундаги трансфер нархи 12 млн еврони ташкил қилади. У тўп сураётган «Ланс» жамоаси эса футболчи учун 40 млн евро сўраши ҳақида ҳам хабарлар мавжуд.

Fichajes нашри ўз манбасига таяниб ёзишича, Абдуқодир Ҳусановга «Реал Мадрид» клуби ҳам қизиқиш билдирмоқда. Жамоа учун рақобатбардош марказ ҳимоячини таркибга қўшиш жуда муҳим масала бўлиб қолмоқда. Шу сабабли клуб трансфер бозорида Карло Анчелотти жамоасини кучайтира оладиган футболчини изламоқда. Бу вазифани клубнинг бош скаути амалга ошириш ниятида.

Дефенса Cентрал маълумотларига кўра, скаут Хуни Калафатнинг диққат марказида 20 ёшли Абдуқодир Ҳусанов бор. «Ланс» сафида тўп сураётган бу марказий ҳимоячи Европанинг бир қанча топ-клубларини ҳайратга солмоқда. «Манчестер Сити» ушбу трансфер бўйича рақобатчиларни ортда қолдириш учун ҳаракатни бошлаган.

Шунингдек, Ҳусанов учун курашда «Ньюкасл» клуби бошқаларни ортда қолдиришни ният қилган. Манбага кўра, Англия клуби Ҳусанов учун «Ланс»га бошқа даъвогар клублардан кўра кўпроқ нарх таклиф қилиш ниятида. Саудия шайхлари эгалигидаги клуб 20 ёшли ўзбекистонлик футболчи учун 20 миллион евро сарфлашга тайёр.

Ҳусанов нимаси билан яхши?

«У хотиржам, кучли, чаққон... У жуда, жуда таъсирчан салоҳиятга эга», — деганди Ленс менежери Уил Стилл январ ойида Лига 1 веб-сайтига берган интервюсида. У Лига 1 даги бор-йўғи бир ярим мавсумдан сўнг Европанинг баъзи йирик клубларида қизиқиш уйғотган Ҳусановни жуда кўп мақтайди.

Ўзбекистон терма жамоаси аъзосига ёқадиган жиҳатлар кўп. Ҳали ҳам тилга олинган хусусиятлардан ташқари, Ҳусановнинг ўйинни жойлашуви ва ўқиши ажойиб. Унинг Лига 1 да 90 та голга 2,4 та зарба бериши камида 900 дақиқа давомида ўйнаган футболчилар орасида энг яхши кўрсаткичдир.

У муҳим ҳимоя ҳаракатини амалга оширишдан олдин ҳаракатларни ривожлантиришга имкон берадиган хотиржамликка эга, лекин тўпни ютиб олиш учун орқа чизиқдан сакрашдан қўрқмайди. У баъзан ошириб юбориши мумкин, лекин яхши тикланиш суръатига эга, унинг баланд бўйи, жисмонийлиги ва онглилиги уни дуелда мағлуб этишни қийинлаштиради.

Ҳусановнинг тақсимоти ҳали ҳам ривожланмоқда. У вақти-вақти билан калитлар билан ўйинни давом эттиришни хоҳласа-да, у камдан-кам ҳолларда ўртасидан чизиқни бузишга ҳаракат қилади. Булар вақт ўтиши билан яхшиланадиган жиҳатлар, чунки Ҳусанов феврал ойининг охиригача 21 ёшга тўлмайди. Бироқ унинг умумий профили “Манчестер Сити” каби жамоалар нима учун унинг имзосидан кейин эканлигига етарли далилларни тақдим этади.

Футболчи атрофидаги шов-шув

Ҳозирда ўзбек футболи мухлислари Ҳусанов ҳақидаги ҳар қандай янгиликни катта қизиқиш билан қабул қилмоқда. Улар футболчи белгиланган ёки иштирок этган ҳар бир пост остида минглаб изоҳлар қолдиришади. Юлдузнинг янги жамоаси қайси бўлиши ҳақида тахминларини ёзишади.

Бундан ташқари, спортга ихтисослашган хорижий нашрлар ҳам тез-тез Ҳусанов номини тилга олмоқда. Хабарларда ўзбек футболчиси Европа дунёсида янги порлоқ юлдуз бўлиши кутилаётган спортчи ҳақида тафсилотлар бериб борилмоқда.

Машҳур карикатурачи Ҳамид Саҳари ҳам Абдуқодир Ҳусановга бағишлаб расм тайёрлади. Унда Реал Мадрид, Манчестер Сити ва Нюкасл жамоалари мураббийлари ўз формасини ушлаб, Ҳусановни жамоага чақираётгани, унинг агенти эса қандай жавоб қайтаришни билмай тургани акс этган.

Хулоса

Абдуқодир Ҳусанов — ўзбек футболининг ёрқин юлдузи. У ўзининг ажойиб ўйинлари билан Европа клубларининг диққат марказига тушиб, халқаро миқёсда ўзига мустаҳкам жой эгаллаш йўлида. Абдуқодирнинг келажаги ёрқин ва унинг ютуқлари ўзбек футболи учун фахр бўлиб қолади.