20.09.2024
Футзал. Ўзбекистон Коста-Рикага ҳам мағлуб бўлиб, турнирни гуруҳ босқичида якунлади
Парагвай ва Нидерландия дастлабки икки ўринни эгаллаб плей-оффга чиқди, Коста-Рика ҳам плей-оффга чиқиш учун яхши имкониятни сақлаб турибди.
Футзал бўйича 2024 йилги жаҳон чемпионати 3-турида Ўзбекистон Коста-Рикага мағлуб бўлиб, турнирдаги иштирокини эрта якунлади.
Ушбу баҳсдаги ғалаба Хосе Венансио Лопес шогирдларини 3-ўрин билан плей-оффга олиб чиқиш имкониятини сақлаб қоларди.
Аммо учрашувда вакилларимиз 3:5 ҳисобида мағлуб бўлишди. Футзалчиларимизнинг голларига Машраб Одилов, Илҳом Ҳамроев ва Самариддин Беркинов муаллифлик қилди.
Шу тариқа, Ўзбекистон А гуруҳида очкосиз сўнгги 4-ўринни эгаллади. Парагвай ва Нидерландия дастлабки икки ўринни эгаллаб плей-оффга чиқди, Коста-Рика ҳам плей-оффга чиқиш учун яхши имкониятни сақлаб турибди.
