22.09.2024
Гулистонга Хитойдан 8 та янги автобус олиб келинди
Сирдарё вилоятининг Гулистон шаҳрига Хитойдан 8 та замонавий автобус олиб келинди. Бу ҳақда вилоят ҳокимлиги матбуот хизмати хабар берди.
Йил якунига қадар вилоятдаги жамоат транспорти парклари 40 та янги автобуслар билан тўлдирилиши режалаштирилган.
Дастлабки босқичда Хитойнинг Yutong Bus компаниясида ишлаб чиқарилган 8 та экологик тоза, ҳар томонлама қулай ва замонавий бўлган ZK6890HG русумли янги автобуслар олиб келинди.
26 ўриндиқли янги жамоат транспорти иқлимга мос совитиш ва иситиш воситалари, шунингдек, GPS тизими ҳамда махсус видеокузатув камералари билан жиҳозланган. Салонда электрон тўлов тизимини амалга ошириш қурилмаси ишлайди.
