Ўзбекистонда январь ойида долларнинг расмий курси қандай ўзгарди?

Марказий банк маълумотларига кўра, ўзбек сўми 2025 йилни АҚШ долларига нисбатан бироз қадрсизланиш билан бошланди.

Январь ойида миллий валютанинг заифлашиши 36,53 сўмни ёки 0,28%ни ташкил этиб, 12 957,01 сўмни ташкил этди. Ой давомида доллар бир текисда кўтарилди ва 23 январь куни 12 990 сўмдан ошиб, янги рекорд ўрнатди. Бироқ, ойнинг сўнгги ҳафтасида сўм ўз пасайишини бироз тиклади.

Январь ойида доллар курси етти марта рекордни янгилаб, 22 январь куни 12 990 сўмни, 21 январь куни 12 984,44 сўмни, 20 январь куни 12 975,09 сўмни, 13 январь куни 12 972,08 сўмни, 8 январь куни 12 962,98 сўмни, 7 январь куни 12 948,10 сўмни, 4 январь куни эса 12 942,01 сўмни ташкил қилганди.

Январь ойи бошида баъзи тижорат банкларида доллар курси 13 000 сўмдан ошиб кетди. Америка валютасини энг қиммат нархда «Ипотека-банк» — 13 035 сўмга сотмоқда, энг фойдали курсни эса «Анорбанк», «Асакабанк» ва «Бизнесни ривожлантириш банки» таклиф этмоқда — 12 920 сўм.

2024 йил якунларига кўра, ўзбек сўми нисбий ҳисобда атиги 4,71%га (ёки мутлақ ифодада 581,78 сўмга) қадрсизланди.

«Spot» таҳлилчилар билан 2024 йилда сўмнинг қадрсизланиши суръатининг секинлашиши сабаблари, миллий валюта мустаҳкамланишидаги рисклар ҳамда кейинги йилда алмашув курсига таъсир қилувчи омиллар борасида суҳбатлашганди.

«Кап Депо»нинг инвестицион банкири Музаффар Розиқовнинг фикрича, 2024 йилда ўзбек сўмининг 5%дан кам девальвацияси аввалги йиллар фонида сезиларли ўзгариш бўлиб, унга нисбатан ижобий ўзгариш кузатилмоқда.

«Авеста Инвестмент Гроуп» катта таҳлилчиси Шодлик Назаров экспорт фаоллигининг юқори даражаси, Марказий банк сиёсати ҳамда импорт ўсиши суръатларининг секинлашиши доллар курсини қўллаб-қувватлаганини қайд этди.

Розиқов 2025 йилда АҚШ долларининг курси 13 340 сўмдан ошишини, Назаров эса курс 14 минг сўмдан пастда қолиши мумкинлигини прогноз қилмоқда.