Келгуси беш йилда йўқ бўлиб кетадиган касблар рўйхати тузилди
HR-мутахассис ва Россия Давлат думаси эксперт кенгаши аъзоси Гарри Мурадян яқин беш йил ичида жисмоний меҳнат касблари йўқ бўлиб кетиши ёки сезиларли даражада камайиши ҳақида ишонч билдирди.
Буни ҳам ўқинг
15.04.2025
У суҳбатда қўл меҳнати ходимлари автоматлаштириш хавфига дуч келишини таъкидлади. Мутахассиснинг айтишича, ишлаб чиқариш жараёнларига робототехника ва сунъий интеллектни жорий этиш бундай кадрларга бўлган эҳтиёжни пасайтиришга олиб келади.
Яқин беш йил ичида анъанавий мутахассисликлар йўқолади ёки сезиларли даражада қисқаради. Бу станок операторлари ёки конвеерлардаги йиғувчилар каби жисмоний меҳнат ходимларига тааллуқли. Башорат — беш-саккиз йил. Қўл меҳнати ўрнига рақамли дастурли бошқариладиган станоклар ва шунга ўхшаш қурилмалар кўпаяди, қўл меҳнати миқдори кескин камаяди, — деди Мурадян.
Унинг сўзларига кўра, анъанавий чакана савдо соҳасида ҳам бўш иш ўринлари сонининг қисқаришини кутиш мумкин. HR-экспертнинг тушунтиришича, онлайн савдога ўтиш билан харидорларга жисмоний хизмат кўрсатиш билан боғлиқ кўплаб лавозимлар долзарблигини йўқотиши мумкин.
Меҳнат бозоридаги ўзгаришлар нафақат муаммолар, балки имкониятлар ҳам эканлигини тушуниш муҳим. Иш берувчилар янги шароитларга мослашиш учун ўз ходимларини ўқитиш ва қайта тайёрлашга сармоя киритишлари лозим. Иш изловчилар эса ўзгаришларга тайёр бўлишлари ва келажакда талаб қилинадиган соҳаларда ўз кўникмаларини фаол ривожлантиришлари керак, — дея хулоса қилди у.
Буни ҳам ўқинг
