Неймар ёзда «Барселона»га қайтиши мумкин — манба
«Сантос» клубининг бразилиялик ҳужумчиси Неймар ёзги трансфер ойнасида Европа клубига қайтмоқчи. Бу ҳақда Cadena Ser нашри хабар бермоқда.
Ushbi mavsumda Sharm al-Shayxga
Манбага кўра, бразилиялик футболчи яна Европага қайтиб, дунёнинг энг кучли лигаларида ўйнашни хоҳлайди. Аммо бунинг учун у топ-клубларни унга ишонишга мажбур қила олиши керак. Мавжуд вариантлар ичида у ҳеч иккиланмай қабул қиладиган ягона таклиф «Барселона» ҳисобланади.
Маълумот учун, Неймар «Сантос»га ўз профессионал фаолиятини қайта тиклаш учун ўтган. У Бразилия чемпионати каби нисбатан енгил мусобақада яна ўзининг энг яхши ўйинини кўрсатишга ҳаракат қилади. Бунгача Неймар 2 йил давомида Саудия Арабистони клубида тўп сурди.
Неймар Каталония клубида 4 йил (2013-2017) ўйнаган. Ушбу давр мобайнида футболчи 123 учрашувда майдонга тушиб 68 бор рақиблар дарвозасини ишғол қилган. Трансфермаркт портали 33 ёшли футболчининг трансфер нархини 15 миллион еврога баҳоламоқда.
