Пойтахтда ҳордиқ чиқариш учун янги манзил — Тарас Шевченко гастрономик кўчасига назар

Toping.uz муҳаррирлари очилиш маросимида бўлиб, кўчадан фоторепортаж тайёрлади. Мақолада кўчанинг қулайликлари, ташриф буюрувчилар учун устунликлар ва бошқалар ҳақида сўз боради.

Кўчада олиб борилган қурилиш ишлари

Тарас Шевченкодаги гастрономик кўча қурилишининг биринчи босқичи 11-октабр куни якунланган.

Гастрономик кўча бўйлаб фото-зоналар ва яшил ҳудудлар барпо этилган, 39 та кичик ва 17 та катта торшерлар ўрнатилган.

Шунингдек, битта янги автобус бекати қурилди, юзни таниш тизимига эга 39 та видеокузатув камералари, 20 та ўриндиқ ва ахлат қутилари ўрнатилди, Wi-Fi тарқатиш тизимлари яратилди.

Таъкидланишича, меҳмонларга қулайлик яратиш мақсадида қарийб 3000 кв.м пиёдалар йўли барпо этилган, қатнов йўлининг асосий қисми (2600 кв.м) эса табиий гранит тошдан терилган.

Шунингдек, кўчада 1 та автобус бекати қурилган, 39 та видеокузатув камералари ва юзни таниш тизимлари, 20 та ўриндиқ ва ахлат қутилари ўрнатилган ҳамда wи-фи тарқатиш тизимлари монтаж қилинган.

Кўчанинг расман очилиши

26 октябрь куни Тошкентнинг Миробод туманидаги гастрономик кўчанинг расмий очилиши бўлиб ўтади. Бу ҳақда туман ҳокимлиги маълум қилди.

«Кўп йиллар давомида бу ҳудуд автотранспортлар ҳаракати учун эди. Олиб борилган улкан бунёдкорлик ишлари натижасида эндиликда Тарас Шевченко кўчаси пиёдалар учун севимли локациялардан бирига айланишига ишонамиз», — деб ёзилади хабарда.

Гастрономик кўчада 24 соат давомида ташриф буюрувчиларга хизмат кўрсатувчи ресторанлар, кафелар, озиқ-овқат дўконлари ва савдо бутиклари мавжуд.

«Гастрономик кўча ногиронлиги бор инсонлар учун мослаштирилган, замонавий дам олиш ўриндиқлари, қулай пиёдалар муҳити, тематик фотозоналар ва пиёдалар фонтанига эга кафе, ресторан, қандолатхона ва қаҳвахоналар 24/7 иш режимида фаолият юритувчи ҳудуддир», — дейилади туман ҳокимлиги хабарида.

Гастрокўча нима дегани?

Гастрономик кўчани яратиш орқали биз кўчалар бўйлаб фақат машинада ҳаракатланиш учун керак деган фикрдан узоқлашамиз ва кўчаларни ихтисослашган гастрономик функцияга эга бўлган жамоат майдони сифатида кўришни бошлаймиз.

Ва бу функция аллақачон пиёдага автомобилдан устунлик берадиган дизайн ёндашувини талаб қилади. Агар ушбу ёндашув ташаббусда белгиланган бўлса, Тошкент одамлар учун хавфсиз бўлган бир нечта сифатли кўчаларга эга бўлади. Бу сайёҳлар оқимини ошириш ва янги ресторанларни очишда муваффақиятсизликка учраган тақдирда ҳам шаҳар учун фойда бўлади.

Тарас Шевченко, Султонали Машхади ва, масалан, Миробод кўчалари ҳозирда гастрономик деб ҳисобланади. Асосий компонент — кафелар, ресторанлар ва уларга ташриф буюрувчилар — аллақачон бу эрда. Уларни янги бўш жойга жалб қилиш шарт эмас. Пиёдалар учун қулай шаҳар майдонини таклиф қилиш ва у орқали автобус йўналишларини ишга тушириш кифоя. Шунда бизнес учун ижобий ўзгаришларни кузатиш мумкин бўлади. Масалан, ёшлар ва  йўл-йўлакай отган инсонлар туфайли даромад ошади.

Муаллиф изоҳи

Гастрономик кўчани ташкил этишда бир нечта жиҳатларга эътибор қаратиш керак. Танланган жой гавжум ҳудуд бўлиши, транспорт инфратузилмаси, автотураргоҳ каби қулайликларга эга бўлиши керак.

Шунингдек, кўча ўз номига муносиб асосан овқатланиш нуқталарига бой бўлиши лозим. Ҳар хил миллий, халқаро ошхоналарни жамлаш орқали кўчанинг мазмунини бойитиш ва кўпроқ турдаги мижозларни жалб қилиш мумкин.

Аммо Тарас Шевченкода ҳозирча фақат фастфуд ва хориж ошхонаси ресторанларини учратиш мумкин. Кўчанинг ташқи кўринишига асосий эътибор қаратилган, аммо дўконлар ва кафеларни безатиш учун эътибор берилмагандек.

Кўчани безашда кўпроқ ўриндиқлардан фойдаланиш керак эди. Фотозоналар ҳам етарлича кўп бўлиши керак. Шевченкода бўлса, расм тушиш мумкин бўлган ҳудудлар сони ўнтага ҳам етмайди. Бунинг ортидан одамлар расм тушиш учун навбатда туриб қолмоқда.

Кеча, 26 октябрь куни кўчанинг расмий очилиш маросими бўлиб ўтди ва шу боис кичик концерт ташкил этилди. Агар бундай маданий тадбирлар кўп ўтказилса, албатта, шу ерда яшовчи аҳолига ноқулайлик туғдиради. Бундай баланд овозли тадбирлар истироҳат боғларида бўлгани маъқул.

Суратлар