Сочни чиройли ўриш: ҳар хил ҳолат учун 7 хил ўриш усули
Соч ўрими – бу ҳеч қачон модадан чиқмайдиган абадий классика. Уларни иш, учрашув ёки байрамга турмаклаш мумкин. Ҳар хил вазиятлар учун мос келадиган ва ажойиб кўринишингизга ёрдам берадиган 7 та соч ўрими усулини тақдим этамиз.
Французча соч ўрими
Ҳар қандай кун учун классик ва нафис ечим. Бошнинг тепасидан бошлаб, аста-секин иккала томондан соч толаларини ўрилган сочга қўшиб боринг. Бу услуб оддий кундалик фойдаланиш учун ҳам, махсус тадбирлар учун ҳам жуда мос келади.
Балиқ думи соч турмаги
Бу соч ўрими мураккаб кўринсада, лекин уни ўриш аслида жуда осон. Сочни иккига бўлиб, кичик толаларни навбатма-навбат бир томондан иккинчи томонга ўтказинг. Романтик учрашув ёки иш кунлари учун мос келади.
Голландча ўриш
Бу усул сочларни ҳажмли кўрсатиб, бутун кун давомида мукаммал сақланади. У франтсузча ўрим каби ўрилади, лекин соч толаларини тескари усулда ўраб: улар асосий тўплам остидан ўралади, устидан эмас. Дўстлар билан учрашувлар ёки сайр қилиш учун идеал вариант ҳисобланади.
Шаршара соч турмаги
Оқиб тушаётган шаршарани эслатадиган жуда нафис услуб. Франсузча соч ўримини бошланг, лекин соч толаларини чиқариб юбориб, шу билан “оқиб тушиш” эффектини яратинг. Кечки образни янада чиройли қилади ва тантанали тадбирлар учун мос келади.
Ҳажмли соч ўрими
Сочингизга озроқ ҳажм қўшинг, ўримни имкон қадар бўшроқ қилиб, сочларни ўргандан кейин ўримларни бироз ташқарига чиқариб тортинг. Бу ҳажм қўшиб, замонавий услуб яратади. Дўстлар билан хордиқ чиқариш учун ажойиб танлов.
Тугунли соч ўрими
Жозибали ва ноодатий соч турмаги ҳисобланади. Сочларингизни бир неча қисмга бўлиб, уларни тугун қилиб боғланг ва ҳар бир тугунни соч тўғнағичлари билан маҳкамланг. Бу ўзига хослик бериб, имиджингизда тажриба қилишга ундайди.
Юнонча соч ўрими
Ўримни бош атрофида, худди соч ободогидек ўраб чиқинг. Сочлар эркин ёки бироз жингалак қилиб ўрилса, кўринишга романтиклик беради. Тўй ва бошқа муҳим тадбирларда идеал кўриниш бағишлайди.
Соч ўрими – нафақат чиройли, балки амалий ҳамдир. Улар сочни юздан йиғиш ва ҳар қандай кўринишга нафис детал қўшиш имконини беради. Ҳар қандай ҳолатдан қатъи назар, бу вариантлар мос услубни осон танлаш ва ўзингизни ишончли ҳамда замонавий ҳис қилишингизга ёрдам беради.
Тажриба қилинг, ўзингизга мосланг ва ҳамманинг ҳавасини келтирадиган соч турмакларини қилиб юринг!
