Қовоқдан тайёрланадиган 5 та оддий рецепт
Қовоқ – бу нафақат кузнинг рамзи, балки кўплаб таомлар учун универсал масаллиқ. Сиз учун қовоқдан тайёрланган етти ажойиб рецептни йиғдик, улар рационингизни хилма-хил қилиш ва саломатликка фойда келтириши мумкин. Ушбу мақолада шўрва, асосий таом, ҳатто десертлар рецептларини топасиз. Тайёрлаш жараёни осонлиги ва мазали таъмидан завқланинг!
Қовоқдан тайёрланадиган асосий таомлар ва уларнинг рецептлари:
● Қовоқли пюре-шўрва
● Қовоқ қайлали макарон
● Қовоқли оладялар
● Қовоқли панкейк
● Қовоқли чизкейк
Қовоқли пюре-шўрвани қандай тайёрлаш керак?
Масаллиқлар:
● Қовоқ – 1 кг
● Картошка – 2 дона
● Пиёз – 1 дона
● Сабзи – 1 дона
● Сабзавотли булон – 1 литр
● Қаймоқ – 200 мл
● Туз, қалампир – таъбга кўра
● Зайтун мойи – қовуриш учун
Тайёрлаш:
● Қовоқ, картошка, пиёз ва сабзини тозалаб, барчасини куб шаклида тўғраймиз.
● Катта қозонда зайтун мойини қиздириб, пиёзни шаффоф бўлгунча қовурамиз.
● Сабзини қўшиб, яна 5 дақиқа қовуришда давом этамиз.
● Қозонга қовоқ ва картошкани солиб, сабзавотли булённи қуямиз.
● Қайнаб чиққач, оловни пасайтирамиз ва сабзавотлар юмшоқ бўлгунча (тахминан 20-25 дақиқа) қайнатамиз.
● Блендердан фойдаланиб, сабзавотларни пюре-шўрвага айлантирамиз.
● Қаймоқ, туз ва мурчни таъбга кўра қўшамиз, бир қайнатиб олиб, оловдан оламиз.
Қовоқ қайлали макаронни қандай тайёрлаш керак?
Масаллиқлар:
● Макарон (итал. пасталар) – 400 г
● Қовоқ – 500 г
● Пиёз – 1 дона
● Саримсоқ – 2 бўлак
● Қаймоқ – 200 мл
● Зайтун мойи – қовуриш учун
● Пармезан пишлоғи (майдаланган) – 50 г
● Янги тоғжамбил – 2-3 новда
● Туз, қалампир – таъбга кўра
Тайёрлаш:
● Қовоқни тозалаб, кубикларга кесамиз ва юмшоқ бўлгунча (тахминан 10 дақиқа) қайноқ сувда қайнатамиз.
● Бир вақтнинг ўзида, макаронни қадоқдаги кўрсатмаларга мувофиқ тайёрлаймиз.
● Зайтун мойини товада қиздирамиз ва майда туғралган пиёзни шаффоф бўлгунча қовурамиз.
● Майдаланган саримсоқ қўшиб, яна бир дақиқа қовурамиз.
● Товага қайнатилган қовоқ, тоғжамбил, туз ва мурч қўшиб, 5 дақиқа қайнатамиз.
● Тоғжамбилни олиб, аралашмани блендер ёрдамига пюрега айлантирамиз.
● Қовоқли пюрега қаймоқ қўшиб, қайнатиб оламиз.
● Тайёр макаронни қовоқ қайласи билан аралаштирамиз ва дастурхонга тортишдан олдин қирғичдан ўтказилган пармезан пишлоғини сепамиз.
Қовоқли оладяларни қандай тайёрлаш мумкин?
Масаллиқлар:
● Қовоқ – 300 г
● Тухум – 2 дона
● Ун – 150 г
● Шакар – 2 ош қошиқ (ихтиёрий)
● Туз – бир чимдим
● Қабартма – 1 чой қошиқ
● Ўсимлик ёғи – қовуриш учун
Тайёрлаш:
● Қовоқни тозалаб, майда қирғичдан ўтказамиз.
● Катта идишда майдаланган қовоқни тухум, шакар ва туз билан аралаштирамиз.
● Ун ва қабартмани қўшиб, силлиқ масса ҳосил бўлгунча яхшилаб аралаштирамиз.
● Товани ўсимлик ёғи билан ўртача оловда қиздирамиз.
● Хамирни қошиқлаб соламиз, оладя шаклини бериб, икки томондан қизартириб қовурамиз.
● Тайёр оладялардан ортиқча ёғни олиб ташлаш учун қоғоз сочиққа қўямиз ва иссиқ ҳолда дастурхонга узатамиз.
Қовоқли панкейкни қандай тайёрлаш керак?
Масаллиқлар:
● Қовоқли пюре – 1 стакан
● Сут – 1 стакан
● Тухум – 2 дона
● Шакар – 2 ош қошиқ
● Ун – 200 г
● Қабартма – 1 чой қошиқ
● Туз – бир чимдим
● Долчин, мускат ёнғоғи – таъбга кўра
● Ўсимлик ёғи – қовуриш учун
Тайёрлаш:
● Идишда қовоқ пюреси, сут, тухум ва шакарни аралаштирамиз.
● Алоҳида идишда ун, қабартма, туз ва зираворларни аралаштирамиз.
● Қуруқ масаллиқларни қовоқ аралашмасига аста-секин қўшамиз ва бир хил масса ҳосил бўлгунча аралаштирамиз.
● Товага ўсимлик ёғини қиздириб, қизитамиз.
● Хамирни қошиқ ёрдамида товага қуямиз, кичик панкейкларни шакллантириб, икки томондан қизартириб қовурамиз.
● Тайёр панкейкларни асал ёки сироп билан дастурхонга узатамиз.
Қовоқли чизкейк қандай тайёрланади?
Масаллиқлар:
● Печене (асос учун) – 200 г
● Сариёғ – 100 г
● Қовоқли пюре – 1 стакан
● Крем-чиз пишлоғи – 500 г
● Шакар – 200 г
● Тухум – 3 дона
● Ванил экстракти – 1 чой қошиқ
● Қаймоқ – 100 мл
● Долчин, занжабил – таъбга кўра.
Тайёрлаш:
● Печенени майда кукунга айлантириб, эритилган сариёғ билан аралаштирамиз.
● Аралашмани қолипнинг тагига бир текис тақсимлаймиз, зичлаб босиб, 15 дақиқага музлатгичга қўямиз.
● Крем-чизни шакар билан силлиқ массага келгунча кўпиртирамиз.
● Қовоқли пюре, тухум, ванил экстракти ва зираворларни қўшамиз, сўнгра кўпиртиришда давом этамиз.
● Қаймоқни қуямиз ва бир хил масса ҳосил бўлгунча кўпиртирамиз.
● Массани печенедан тайёрланган асосга қуямиз ва 160°C га қиздирилган печда тахминан 1 соат давомида пиширамиз.
● Тайёр чизкейкни совутиб, 4 соатга музлатгичга қўямиз.
