15.11.2024
Саудиянинг Flyadeal авиакомпанияси Ўзбекистонга мунтазам авиақатновларни йўлга қўяди
Муаллиф
Шоҳзамон Шуҳратов
Қайд этилишича, авиакомпания Жиддадан Тошкент ва Наманганга, шунингдек, Мадинадан Тошкентга парвоз қилади.
Yangi yilga eng yaxshi sovg‘ani topdik. BU NIMA?
Ўзавиация Flyadeal авиакомпаниясининг мунтазам парвозларини амалга оширишга рухсат берди. Бу ҳақда агентлик матбуот хизмати хабар берди.
Рухсатнома Ўзбекистон ва Саудия Арабистони ўртасидаги ҳаво қатнови тўғрисидаги ҳукуматлараро битим асосида берилган. Лоукостер парвозларни Airbus А320 самолётларида амалга оширади.
Биринчи босқичда Flyadeal учта йўналишга хизмат кўрсатади: Жидда–Тошкент–Жидда, Мадина–Тошкент–Мадина ва Жидда–Наманган–Жидда.
2022 йил август ойида Саудия Арабистони ва БААнинг учта авиакомпанияси Ўзбекистонга мунтазам парвозларга рухсат олди.
