Содиқ Азимовдаги гастрономик кўча лойиҳаси тақдим этилди
Тошкент шаҳрида туну кун ишлайдиган гастрономик кўча ташкил этиш лойиҳаси эълон қилинди, у Яшнобод туманидаги Содиқ Азимов кўчасининг бир қисмини эгаллайди.
У Махтумқули ва Истиқбол кўчалари оралиғида жойлашади — 800 метр узунликдаги участкада «дам олиш ва гастрономик кашфиётлар учун замонавий майдон» яратиш режалаштирилган.
Бу жойда Тарас Шевченко гастрономик кўчасидан фарқли ўлароқ, автотранспорт учун ҳаракатни тўсиб қўйиш режалаштирилмаган.
Лойиҳа велосипед йўлакларини яратиш ва йўлни уч полосадан икки полосалига торайтиришни назарда тутади — ўнг полосанинг бир қисми тўхташ жойлари билан жиҳозланади.
Қурилиш ишлари давомида йўлакларни ҳозирги 3−4 метрдан 8−13 метргача кенгайтириш, ёзги террасалар учун қўшимча майдон яратиш режалаштирилган.
Янги гастрономик кўчада «workout» майдони, селфи зонаси ва иккита био-ҳожатхона ташкил этилади, шунингдек, яна 15 та енгил конструкцияли савдо шохобчалари ўрнатилади.
Янги гастрономик кўча яратиш бўйича ишлар 2024 йил охиригача якунланиши режалаштирилган.
Таъкидланишича, Содиқ Азимов кўчасидаги лойиҳа якунлангач, иккинчи босқич — Алимкент кўчасида сайёҳлик хиёбон қурилиши бошланади.
