23.10.2024
Тарас Шевченкодаги гастрономик кўча қурилишининг иккинчи босқичи бошланди
Муаллиф
Шоҳзамон Шуҳратов
22 октябрь куни Тарас Шевченко кўчасида сайёҳлик хиёбони яратиш бўйича ишларнинг иккинчи босқичи бошланди. Бу ҳақда Миробод тумани ҳокимлиги матбуот хизмати хабар берди.
Шу сабабли Саид Барака ва Нукус кўчалари кесишмасидан автомобиллар ҳаракатининг чап қисми қисман тўсиб қўйилган.
Чекловлар соат 10:00 дан кучга кирди ва фақат чап бўлакка тегишли. Тарас Шевченкодаги қурилиш ишлари қачон якунланиши режалаштирилгани маълум қилинмаган.
Ҳокимлик тирбандликларни олдини олиш учун ҳайдовчиларга айланма йўллардан фойдаланишни тавсия қилади ва вақтинчалик ноқулайликлар учун узр сўраган.
