Тошкентда Марказий Осиёдаги биринчи шоколад музейи очилди

Музей қадимги цивилизациялардан тортиб, ширинликлар оламидаги замонавий санъатгача бўлган шоколаднинг пайдо бўлишининг бой тарихини бирлаштириб, ташриф буюрувчиларга унутилмас таасурот қолдиради.

Экспонатлар орасида Ўзбекистон ва дунёнинг машҳур меъморий ёдгорликларининг шоколад миниатюралари, шунингдек, таниқли тарихий шахсларнинг бюстлари мавжуд. Экспозицияда 19 та объект намойиш этилган бўлиб, улардан 16 таси музей усталари томонидан қўлда яратилган шоколадли ҳайкаллардир.

Ҳайкалларни яратиш учун 850 килограмм шоколад ишлатилган, асосан аччиқ, аммо иккита иншоот оқ шоколаддан ясалган. Ҳар бир фигура учун камида бир ҳафта машаққатли меҳнат сарфланди. Барча ҳайкаллар махсус шоколадли лак билан қопланган бўлиб, бу уларни тўғри сақлаш шароитида бир йилгача асл ҳолида сақлаш имконини беради.

Музей Майя цивилизациясининг қадимий ичимлигидан тортиб замонавий шоколад саноатигача бўлган шоколад тарихи ҳикоя қилинадиган интерактив майдондан иборат. Бу ерда ҳар бир объектни нафақат томоша қилиш, балки ушлаб кўриш мумкин.

Музей ичида ишлаб чиқариш цехи жойлашган бўлиб, у орқали ташриф буюрувчилар шоколад ишлаб чиқариш жараёни — какао дуккакларини қайта ишлашдан тортиб, уларни тайёр шоколад массасига айлантиришгача бўлган жараённи кузатишлари мумкин.

Шунингдек, яқин келажакда қандолатчилар раҳбарлигида ташриф буюрувчилар ўзларининг шоколад маҳсулотларини тайёрлашлари мумкин бўлган маҳорат дарслари учун майдон очилиши режалаштирилган.

Музей дам олиш кунларисиз соат 9:00 дан 18:00 гача ишлайди.

Чипта нархлари:

• болалар учун — 50 000 сўм;
• катталар учун — 75 000 сўм;
• туристлар учун — 100 000 сўм.