Тошкентда нон фестивали ўтказилади

Муаллиф

Шоҳзамон Шуҳратов

Тадбир давомида ташриф буюрувчилар турли хил юзлаб нон турлари билан танишишлари ва уларнинг ҳар бирини татиб кўришлари мумкин бўлади.

Yangi yilga eng yaxshi sovg‘ani topdik. BU NIMA?

12 ноябрь куни пойтахтда нон фестивали бўлиб ўтади. Тадбир давомида ташриф буюрувчилар турли хил юзлаб нон турлари билан танишишлари ва уларнинг ҳар бирини татиб кўришлари мумкин бўлади. Фестивалда ҳар ким бепул иштирок этиши мумкин.

Фестиваль давомида қуйидагилар бўлади:

турли миллат ва ҳудудларга хос юзлаб нонлар: ҳудудий нонлардан тортиб то анъанавий нонларгача, буғдойли нонлардан тортиб то кепакли нонларгача;
меҳмонлар учун татиб кўриш имконияти: ҳар бир иштирокчи ўзига ёқадиган нонни танлаб, татиб кўриши мумкин;
мусиқа ва кўнгилочар дастурлар: байрам руҳини янада кўтариш учун махсус мусиқалар, миллий ўйинлар ва ҳар бир синф томонидан тайёрланган ўйинлар;
маҳорат дарслари — нон ҳамирини тайёрлашдан тортиб то пиширишгача;
хайрия аукциони. Энг яхши баҳоланган ва ўқувчилар ўзлари тайёрлаган нонлари ота-оналар ўртасида аукционга қўйилади. Барча тўпланган пуллар «Чинор ғазна» xайрия ташкилоти билан ҳамкорликда болалар уйи учун сарфланади.

Фестивалнинг энг асосий қисми — «Нон улашиш паради» бўлиб, унда асосий иштирокчилар мактабдан то катта йўл бўйлаб парад шаклида миллий кийимлар ва мактаб байроқлари билан нонларни исталган инсонларга улашишади.