Uzbekistan Airways айрим шахслар учун 50 фоизлик чегирма эълон қилди
Ундан жорий йилнинг 23 декабридан келаси йилнинг 7 январигача бўлган маҳаллий йўналишлардаги авиақатновлар учун фойдаланиш мумкин.
Yangi yilga eng yaxshi sovg‘ani topdik. BU NIMA?
Uzbekistan Airways авиакомпанияси талабалар учун 50% чегирма эълон қилди. Бу ҳақда авиакомпания матбуот хизмати хабар бермоқда.
Ундан ўрта махсус, касб-ҳунар ва олий таълим муассасалари талабалари маҳаллий йўналишлардаги парвозларда фойдаланишлари мумкин.
Чегирма жорий йилнинг 23 декабридан бошлаб, келаси йилнинг 7 январигача бўлган авиақатновлар учун амал қилади.
Авиачипталарни компания сайтидан, авиакомпания агентларидан ҳамда Uzbekistan Airways Sales филиалидан харид қилиш мумкин. Бунинг учун давлат муассасасида ўқишни тасдиқловчи ҳужжат талаб қилинади.
15 декабрдан Тошкентдан Самарқандга қўшимча Афросиёб поезди йўлга қўйилади. Қатновлар 15–31 декабрь ҳамда 3–12 январь кунлари оралиғида ҳафтанинг жума, шанба ва якшанба кунлари амалга оширилади.
