Янги йил ва дам олиш кунлари тиббиёт муассасалари тун-у кун ишлайди
Аввалроқ 2025 йилда 5 кунлик иш ҳафтасида ишлайдиган ходимлар учун дам олиш куни 4 январ — шанба кунидан 2 январь — пайшанба кунига кўчирилгани, 6 кунлик иш ҳафтасида ишлайдиган ходимлар учун 2 январь — пайшанба қўшимча дам олиш куни этиб белгилани ҳақида хабар берилганди. Янги йил байрамида ўзбекистонликлар кетма-кет олти кун дам олади.
100 dollargacha bo‘lgan eng yaxshi sovg‘alar. QAYERDAN XARID QILISH MUMKIN?
Соғлиқни сақлаш вазирлиги ушбу дам олиш кунларида тиббиёт муассасалари қай тартибда ишлаши ҳақида маълумот берди.
Таъкидланишича, байрам ва қўшимча ишланмайдиган кунларда тиббиёт муассасалари фаолиятини мувофиқлаштириб бориш мақсадида Соғлиқни сақлаш вазирлигида алоҳида штаб ташкил этилди.
Шунингдек, 28 декабрь — 2 январь кунлари мамлакатимиздаги туман (шаҳар), вилоят ва республика миқёсидаги барча шифохоналар, ихтисослаштирилган тиббиёт марказлари ҳамда тиббиёт олий ўқув юртлари клиникалари ҳамда ҳудудлардаги 39 та туманлараро қўшма шикастланиш ва ўткир қон-томир касалликлари марказларида 40 минг нафар тиббиёт тизими ходимлари қонунда белгиланган тартибда, навбатчилик асосида аҳолига тиббий хизмат кўрсатади.
ССВ хабарида қайд этилишича, қўшимча ўринлар ва дори-дормонлар захираси яратилган.
Қолаверса, байрам кунлари республика шошилинч тиббий ёрдам илмий маркази ва унинг ҳудудлардаги 13 та филиали ҳамда 200 га яқин аҳоли пунктида жойлашган шошилинч тиббий ёрдам бўлимларида ҳам 24 соат давомида навбатчи шифокор ва ҳамширалар фаолият юритади. Ушбу муассасалар зарур дори-дармонлар билан таъминланиб, захира ўринлари яратилган.
Бундан ташқари, байрам кунлари юртимиздаги 230 та туғуруқ, 235 та болалар даволаш муассасаcи ҳам узлуксиз иш олиб боради. Республика Cалл-маркази (1003) орқали эса тиббиётга тегишли саволларга малакали мутахассислардан туну кун жавоб олиш мумкин.
Хабар охирида вазирлик аҳолидан айёмни хуш кайфиятда қарши олиб, ўз саломатликларига эътиборли бўлишларини сўраган.
Буни ҳам ўқинг
