Ўзбекистон Олимпия терма жамоасининг расмий формаси тақдим этилди
Олимпия ва Паралимпия шон-шуҳрати музейида 2-июль куни Париж-2024 ёзги Олимпия ўйинларида иштирок этувчи Ўзбекистон делегацияси учун расмий спорт экипировкасининг тақдимоти бўлиб ўтди.
Yangi yilga eng yaxshi sovg‘ani topdik. BU NIMA?
Спорт кийимлари тўплами “7Saber” бренди томонидан тақдим этилган бўлиб, у юқори сифатли матолардан “Dri fit” технологиясидан фойдаланган ҳолда ишлаб чиқарилади, бу кийимларга алоҳида пишиқлик ва машғулотларда намликни ўзига сингдирмайди.
Спорт ҳамда бошқа тадбирлар учун мўлжалланган оқ ва зумрад кўринишдаги асосий ранглар комбинацияси тилла ранг элементлар билан ҳаётга муҳаббат ва очиқликни, қатъийлик ва ғалабага бўлган иштиёни англатади.
Маълумот ўрнида, бренд Ўзбекистон олимпия терма жамоасининг Токио-2020 ёзги Олимпия ўйинлари ва Пекин-2022 қишги Олимпия ўйинларидаги расмий ҳамкори бўлган. Бренд томонидан ХХХII Олимпиада учун яратилган жиҳозлар “Cosmopolitan” журналининг мода рейтингига киритилди.
