Ўзбекистонда Финляндиянинг Wolt озиқ-овқат етказиб бериш хизмати ишга туширилмоқда
Бироқ ҳозирда мобил иловада муассасалар мавжуд эмас. Компания ходимларни, жумладан, бош директорни ишга қабул қилишни эълон қилди.
Kinolarni bepul ko‘rish imkoniyati!
Ўзбекистонда Финляндиянинг озиқ-овқат ва товарларни етказиб бериш хизмати Wolt расман ишга туширилди. Бу ҳақда компаниянинг мобил иловасида хабар берилган.
«Энди биз Тошкентда ишга туширилганимизни мамнуният билан эълон қиламиз», — дейилади хабарда.
Ўзбекистон Wolt веб-сайтида етказиб бериш хизмати фаолият кўрсатадиган мамлакатлар рўйхатида пайдо бўлди. Мавжуд шаҳарлар орасида фақат Тошкент бор.
Компания ходимларни ишга қабул қилишни эълон қилди: ёрдамчи ходимлар, савдо ва қўллаб-қувватлаш гуруҳи менежерлари, савдо менежерлари, асосий ҳисоб менежерлари, контент менежерлари, шунингдек, бош директор.
Спот мухбири Wolt мобил иловасида рўйхатдан ўтишга муваффақ бўлди. Бироқ, ресторанларни жойлашуви бўйича қидирганда, «Woltʼда ҳали сизга яқин ресторан йўқ» деган хабар пайдо бўлади.
Буни ҳам ўқинг
