Лабларни тўғри бўяш бўйича маслаҳатлар: помада ва қалам ёрдамида

Лабларни тайёрлаш 

Помада ва қаламни суртишдан олдин лабларни тўғри тайёрлаш муҳимдир. 

•  Тозалаш ва пилинг: лабларингиз тоза ва қуруқ эканлигига ишонч ҳосил қилинг. Зарурат бўлса, лаблар учун юмшоқ скраб ёки юмшоқ тиш чўткасидан фойдаланиб, лабдаги ўлик тери ҳужайраларини тозаланг. Бу макияжни бир текисда суртиш ва уни узоқроқ сақланишига ёрдам беради. 

•  Намлаштириш: лабларингизга намлантирувчи балзам ёки ёғ суртинг. Маҳсулот яхши сингиши учун бир неча дақиқа кутинг ва кейин ортиқчасини салфетка билан артиб олинг.

Лаб қалами қандай ишлатилади 

Лаб қалами аниқ контур яратиш ва помаданинг ёйилиб кетишининг олдини олишга ёрдам беради. 

•  Қалам танлаш. Помадангиз рангига мос келадиган ёки ундан бироз очроқ рангли қалам танланг. Бу табиий ва чиройли бўянган кўриниш яратади.

•  Контур чизишни юқори лабдан бошланг. Лабнинг юқори нуқталарини бирлаштириб, ўртага Х шаклида чизиқ чизинг. Бу лабларда симметрик кўринишини яратишга ёрдам беради. 

•  Лабнинг табиий контури бўйлаб, лаб бурчакларидан ўртага қараб чизинг. Худди шу амалларни пастки лаб учун ҳам бажаринг, ўртадан бошлаб, бурчакларга қараб ҳаракатланинг. 

•  Лабларни ичини тўлдириб бўяш (ихтиёрий). Помада узоқроқ сақланиши, ранги бир хил бўялиши ва мустаҳкам асос яратиш учун бутун лаб юзасини қалам билан тўлдиринг. 

Помадани қандай суртиш керак 

Помадани тўғри суртиш – чиройли ва парваришланган лаблар кўринишига эга бўлишнинг калитидир. 

•  Помада танлаш. Ўз хоҳишингиз ва терингиз турига қараб помада танланг.

Мат помадалар барқарорликни, кремли ва ялтироқ помадалар эса намлик ва ялтираб кўринишни таъминлайди. 

•  Тўғридан-тўғри тубикдан суртиш. Агар сизга тўғридан-тўғри тубикдан фойдаланиш қулай бўлса, юқори лабнинг ўртасидан бошланг ва бурчакларга қараб ҳаракат қилинг. 

•  Пастки лаб учун ўртада чизиқ тортинг ва қолган жойларини тўлдиринг. 

•  Чўтка ёрдамида суртиш. Лаб чўткаси помадани аниқроқ чизиқ қилиб суртиш ва уни тенг равишда тақсимлаш имконини беради. 

•  Чўткага озгина помада олинг ва юқори лабнинг ўртасидан бўяшни бошланг, қаламда чизилган контурларни такрорланг. Худди шу амалларни пастки лабда ҳам бажаринг. 

•  Помадани мустаҳкамлаш. Макияжингиз кун бўйи сақланиши учун лабларингиз орасига юпқа салфетка қўйинг ва устидан озгина шаффоф упа суртинг. Ёки шунчаки лабларингизни салфетка билан енгил артиб, помадани иккинчи юпқа қатлам қилиб суртинг.

Маслаҳатлар ва сирлар 

•  Консилердан фойдаланинг. Лаблар атрофи терисига консилер суртиш контурларни аниқроқ қилишга ва ҳар қандай камчиликларни яширишга ёрдам беради. Кичик чўткага озгина консилер олинг ва лаб чизиғи бўйлаб эҳтиёткорлик билан юргизинг, бир жойга йиғилиб қолмаслиги учун уни яхшилаб тарқатинг.

•  Ҳажм яратинг. Лабларни визуал равишда катталаштириш учун юқори ва пастки лабларнинг ўртасига бироз ялтироқ лаб бўёғидан суртинг. Шунда лабингиз каттароқ кўринади.

•  Помададан бироз тўқроқ лаб қаламидан фойдаланиш лаб чеккаларида енгил соялар яратади, бу эса лабларни визуал равишда каттароқ кўрсатади. 

•  Хатоларни тузатиш. Агар помада суртишда хато қилсангиз, мицеляр сув билан намланган пахта таёқчасидан фойдаланиб, уни эҳтиёткорлик билан ўчиринг.

•  Ёйилиб кетишни олдини олиш. Помада ва қаламни суртишдан олдин лаб контурига озгина упа суртинг, бу бўёқни ёйилиб кетишини олдини олади.

Чиройли бўялган лаблар – бу санъат бўлиб, у озгина машқ ва сабр талаб қилади. Юқоридаги маслаҳатларга амал қилиб, сиз аниқ ва ёрқин лабларга эришасиз, улар сизнинг ўзингизга хосликни таъкидлайди. Турли ранглар ва суртиш техникаларини синаб кўриб, ўзингизга мос услубни топинг. Бўянишда сизга омад тилаймиз, доим чиройли бўлиб юринг!