Ўзбекистондан Қозоғистон ва Тожикистонга ўтишда янги қоида жорий этилади
Шавкат Мирзиёев иштирокида Вазирлар Маҳкамасининг ҳаракатлар дастури муҳокамасига бағишланган мажлиси бўлиб ўтди.
Yangi yilga eng yaxshi sovg‘ani topdik. BU NIMA?
Унда президент мамлакатни ривожлантириш учун самарали ташқи сиёсат олиб бориш, дўст ва ҳамкорлар доирасини кенгайтириш, қўшни мамлакатлар билан минтақавий ҳамкорликни чуқурлаштириш мақсадида Ташқи сиёсат концепциясини янги таҳрирда қабул қилиш зарурлигини таъкидлади.
Марказий Осиё давлатлари ўртасида яхши қўшничилик муносабатларини мустаҳкамлаш, минтақавий хавфсизлик ва барқарорликни таъминлаш ташқи сиёсатда устувор йўналиш бўлиб қолади. Келгуси йили мамлакатда бўлиб ўтадиган «Марказий Осиё бешлиги» учрашуви бунинг амалий қадами экани қайд этилди.
Шунингдек, давлат раҳбари Қозоғистон ва Тожикистонга ҳам ИД-карта орқали ўтиш имконияти яратилишини маълум қилди. Мазкур мамлакатлар билан бу тизимни жорий этиш режалаштирилган.
Марказий Осиё мамлакатлари ҳамда бошқа етакчи ҳамкор давлатлар, нуфузли халқаро ва минтақавий ташкилотлар, молия институтлари билан самарали ва тизимли алоқаларни янада ривожлантириш доимо эътибор марказида бўлиши таъкидланди.
