O‘zbekiston futbol terma jamoasi tarixda ilk bor Jahon chempionati final bosqichiga yo‘l oldi
5-iyun oqshomida O‘zbekiston Osiyo mamlakatlari o‘rtasidagi saralash turniri doirasida Birlashgan Arab Amirliklari jamoasi bilan 0:0 hisobida durang o‘ynadi.
Kino va seriallarni 7 kun bepul tomosha qiling
O‘zbekiston terma jamoasi bir ochko jamg‘argan holda tur yakuniga qadar guruhda ikkinchi o‘rinni egallab, jahon chempionatiga to‘g‘ridan-to‘g‘ri yo‘llanmani qo‘lga kiritdi.
Ayni paytda O‘zbekiston FIFA reytingida 57-o‘rinni egallab turibdi. Bu jamoadan yuqorida Osiyo terma jamoalaridan faqat beshta davlat bor.
O‘zbekistonning yirik turnirlardagi eng yuqori natijasi 2021-yilgi Osiyo kubogida to‘rtinchi o‘rinni egallaganidir.
Jahon chempionati 11-iyundan 19-iyulgacha AQSH, Meksika va Kanadada bo‘lib o‘tadi. Unda tarixda ilk bor 48 ta jamoa ishtirok etadi.
O‘zbekiston terma jamoasi tarixda ilk bor Jahon chempionati yo‘llanmasini qo‘lga kiritdi. O‘yindan so‘ng jamoa bosh murabbiyi Temur Kapadze bellashuv haqidagi fikrlarini bildirib o‘tdi.
Futbolchilarimiz har bir o‘yinda katta iroda va fidoyilik bilan harakat qilishdi. Ular maydonga bor kuch va e’tiborlarini safarbar etib, eng yaxshi o‘yinlarini ko‘rsatishga intilishdi. Natijada, mehnat o‘z samarasini berdi. Bu yutuq biz uchun katta quvonch — barchamizga muborak bo‘lsin, dedi murabbiy.
O‘zbekiston terma jamoasi Jahon chempionati saralashi 9-turida BAA bilan 0:0 hisobida durang o‘ynab, mundial yo‘llanmasiga ega chiqdi. O‘zbekiston futbol assotsiatsiyasi raisining birinchi o‘rinbosari Ravshan Ermatov o‘yindan keyin ushbu muvaffaqiyat haqida fikr bildirdi.
Futbolchilar ertaga, 6-iyun kuni tushgacha vatanga qaytishi kutilmoqda. Ularni sabrsizlik bilan kutayotgan xalqimiz bu g‘alabani chin dildan nishonlashga tayyor turibdi, dedi Ermatov.
O‘xshash mavzular
