Toshkentda BMTning Markaziy Osiyoda Koinot fanlari markazi tashkil etiladi
Mamlakat elchixonasi koʻmagida “Oʻzbekkosmos” agentligi vakillari va Birlashgan Millatlar Tashkilotining Kosmos masalalari boʻyicha boshqarmasi (UNOOSA) direktorining katta maslahatchisi Driss El-Xadani oʻrtasida videokonferensiya shaklida uchrashuv tashkil etildi.
Ushbi mavsumda Sharm al-Shayxga
Unda ikki tomonlama hamkorlik masalalari va Oʻzbekistonning kosmik texnologiyalar hamda ilm-fan sohasidagi xalqaro sheriklikni mustahkamlashga qaratilgan tashabbuslari muhokama qilindi.
Oʻzbekistonda UNOOSA shafeligida xalqaro konferensiya oʻtkazish tashabbuslaridan biri boʻldi. Mazkur forum milliy iqtisodiyotning turli masalalarini hal etish va bu boradagi xalqaro hamkorlikni rivojlantirishda kosmik texnologiyalarning rolini muhokama qilish uchun muhim maydonga aylanadi.
Yana bir muhim muhokama mavzusi Toshkentda BMTning Markaziy Osiyoda Koinot fanlari, texnologiyalari va taʼlim markazini tashkil etish taklifi boʻldi. Loyiha taʼlim va ilmiy dasturlarni ishlab chiqish, jumladan, masofadan zondlash, sunʼiy yoʻldosh aloqasi, kosmik huquq va boshqa yoʻnalishlar boʻyicha mutaxassislar tayyorlashni nazarda tutadi.
Tomonlar ushbu tashabbuslarni yanada ilgari surish uchun qoʻshimcha maslahatlashuvlar oʻtkazishga kelishib oldi.
