21.11.2024
Toshkentdagi ayrim tumanlarda isitish taʼminoti vaqtincha toʻxtatildi
Muallif
Shohzamon Shuhratov
Veolia Energy Tashkent avariyaviy holat yuzaga kelgani bois poytaxtning 5 ta tumanida issiqlik taʼminoti vaqtincha toʻxtatilganini eʼlon qildi.
Isitish quvurida avariya holati yuzaga kelganligi sababli (issiq suv taʼminotini cheklamagan holda) issiqlik taʼminoti quyidagi manzillarda vaqtinchalik toʻxtatildi:
Mirobod tumani:
- Nukus, T.Shevchenko, Oybek, Gospital, Amir Temur, Shahrisabz, Buxoro, S.Azimov, Said Baraka koʻchalari.
Mirzo Ulugʻbek tumani:
- M-1, M-2 massivlari.
Yunusobod tumani:
- Markaz-2 dahasi va Y.Gʻulomov koʻchasi.
Yakkasaroy tumani:
- Nukus va Kichik Beshyogʻoch koʻchalari.
Yashnobod tumani:
- S.Azimov, Istiqlol, Istiqbol, Toʻytepa, Maxtumquli, Elbek koʻchalari.
Quvurdagi muammoni bartaraf etish maqsadida tezkor avariyaviy-tiklov ishlari olib borilmoqda.
Veolia Energy Tashkent MCHJ kompaniyasi keltirilgan noqulayliklar uchun uzr soʻragan va ishlarni belgilangan muddatlarda yakunlash boʻyicha zarur choralarni koʻrishini bildirgan.
