11.11.2024
Toshkentning baʼzi hududlariga tabiiy gaz yetkazib berish vaqtincha toʻxtatiladi
Muallif
Shohzamon Shuhratov
Toshkent shahrining Sergeli, Bektemir, Mirobod va Yakkasaroy tumanlarining baʼzi hududlariga taʼmirlash ishlari tufayli 12-noyabr kuni tabiiy gaz yetkazib berish vaqtincha toʻxtatiladi.
Maʼlumot uchun, quyidagi hududlarga tabiiy gaz yetkazib berish vaqtincha toʻxtatiladi:
Sergeli tumani (10:00 dan 14:00 gacha):
- “Xonobod” MFY Beruniy, Sohil va Kichik soy koʻchalaridagi xonadonlar;
- “Eshonbuloq” MFY Muanna, Xonobod koʻchalaridagi xonadonlar;
- “Sadoqat” MFY Tabarruk va Tavallo koʻchalaridagi xonadonlar.
Bektemir tumani (10:00 dan 14:00 gacha):
- Koʻp qavatli uylardagi baʼzi xonadonlar.
Mirobod tumani (10:00 dan 17:00 gacha):
- “Birodarlik” MFY Oq uy koʻchasidagi baʼzi xonadonlar.
Yakkasaroy tumanidagi (10:00 dan 17:00 gacha) 1 ta ulgurji isteʼmolchi.
Qayd etilishicha, taʼmirlash ishlari tugatilgandan soʻng, tabiiy gaz taʼminoti qayta tiklanadi.
