Ulugʻbek Qodirov kutilmagan sirlarni oshkor qildi
Taniqli aktyor Ulugʻbek Qodirov Instagramʼdagi bloglardan biriga bergan qisqa intervyusida muxlislarini qiziqtirgan ayrim savollarga javob berdi.
O‘xshash mavzular
03.04.2025
Aktyor suhbat avvalida Kia Sorento rusumli avtomobilni boshqarishi haqida aytib oʻtgan.
— Sizni mashhur qilgan film?
— Shahzoda bilan birga suratga tushgan “Sarvinoz” filmi meni mashhur qilgan.
— Oxirgi suratga tushgan filmingiz?
— Seriallardan “Alfons” deganida suratga tushdim, bundan tashqari, “Uch qahramon” deb nomlangan filmimiz ham taqdim etildi.
— Qaysi aktrisa bilan partnyor boʻlish sizga qulay? Kimlarni isteʼdodli deya olasiz?
— Oʻzbekistonda isteʼdodli aktrisalar judayam koʻp. Lekin eng yoqadigani, menga filmlarda partnyor sifatida tushadiganlari — Oʻzbekistonda xizmat koʻrsatgan artist Dilnoza Kubayeva, xonanda Shahzoda (Zilola Musayeva), bundan tashqari, yana bir zoʻr aktrisamiz bor — milliy teatrda ishlaydigan Shodiya Toʻxtayeva. Aktyorlar haqida gapiradigan boʻlsam, oʻzimning doʻstlarim Bobur Yoʻldoshev, Adiz Rajabov va Alisher Uzoqovni eʼtirof eta olaman.
— Kuniga qancha pul ishlatasiz?
— Bilmayman, toʻgʻrisini aytsam, umuman hisoblamayman. Barakasi uchadi.
— Pul baxt olib keladimi?
— Bu savolga hozircha javob bera olmayman. Hali hayot oldinda, balki keyinroq bu haqda gapira olarman.
— Oxirgi marta oʻzingizga qimmatbaho nima oldingiz?
— Telefon, iPhone 16 Pro Max oldim.
— Yoshlarga qanday maslahat berasiz?
— Kelajakka boʻlgan umidingizni soʻndirmang! Faqat olgʻa intiling, oʻqing, izlaning! Rivojlanishdan toʻxtamang!
O‘xshash mavzular
