Jeyson Steytem ishtirokidagi “Usta” filmi AQSH kinoprokatida peshqadam boʻldi
Jeyson Steytem bosh rolni ijro etgan “Usta” jangari filmi Shimoliy Amerika kinoprokatida yangi yetakchiga aylandi. Film birinchi hafta oxirida 15,2 million dollar daromad keltirdi.
“Usta” Disneyʼning “Oq qor” oʻyinli rimeykidan oʻzib ketishga erishdi. Rimeyk ikkinchi hafta davomida atigi 14,2 million dollar yigʻdi. Filmga bosh yulduzlar Reychel Zegler va Gal Gadot bilan bogʻliq janjallar, shuningdek, salbiy tanqidlar xalaqit berdi.
“Usta”ning budjeti 40 million dollarni tashkil etdi. Xalqaro namoyishlar loyihaga yana 15 million dollar qoʻshib, umumiy summani 30 million dollarga yetkazdi. Film shu hafta Rossiyada ham namoyish etildi va 111 million rubl daromad keltirdi.
“Usta” filmi syujeti qurilishda ishlaydigan sobiq maxsus boʻlinma askari haqida hikoya qiladi. Kutilmaganda qahramon xoʻjayinining qizi odam savdogarlari tomonidan oʻgʻirlab ketilganini bilib qoladi. Qizni qutqarish uchun u yana oʻtmishdagi faoliyatiga qaytadi. Filmni Devid Eyr (“Oʻz joniga qasd qiluvchilar guruhi”) rejissyorlik qilgan, ssenariy hammuallifi esa Silvestr Stallone boʻlgan.
O‘xshash mavzular
