02.09.2024
Vengriyadagi tarixiy bino Oʻzbekiston bayrogʻi ranglarida yoritildi
Butun dunyodan minglab sayyohlarni jalb qiladigan bu bino YUNESKOning Umumjahon merosi roʻyxatiga kiritilgan.
Muallif
Mahkamov Humoyun
31-avgustdan 1-sentyabrgacha ilk bor Vengriya poytaxtining eng mashhur meʼmoriy inshootlaridan biri boʻlgan Baliqchilar qalʼasi Oʻzbekiston bayrogʻi ranglari bilan yoritildi.
Tadbir Oʻzbekistonning Vengriyadagi elchixonasi tomonidan va OTP Bank hamkorligida Oʻzbekiston Respublikasi Mustaqilligining 33 yilligi munosabati bilan tashkil etildi.
Buda tepaligining tarixiy tumanida joylashgan Baliqchilar qalʼasi Budapeshtning asosiy diqqatga sazovor joylaridan biridir. Butun dunyodan minglab sayyohlarni jalb qiladigan bu bino YUNESKOning Umumjahon merosi roʻyxatiga kiritilgan.
