Xiaomi smartfonlari yashirin kameralarni qidirishni oʻrganadi
Yashirin kamerani aniqlash funksiyasi qidiruv uchun simsiz tarmoq signallaridan foydalanadi. Yangilikni faollashtirish va yashirin kameralarni qidirish uchun “Star scanning” tugmasini bosish va qidiruv tugashini kutish kerak.
Xiaomi smartfonlari uchun HyperOS 2.0 proshivkasi yashirin kameralarni aniqlash funksiyasini oladi. Bu haqda Notebook Check portali xabar bermoqda.
Manbaga koʻra, yashirin kamerani aniqlash funksiyasi qidiruv uchun simsiz tarmoq signallaridan foydalanadi. Yangilikni faollashtirish va yashirin kameralarni qidirish uchun “Star scanning” tugmasini bosish va qidiruv tugashini kutish kerak. Natijada smartfon yaqin atrofda boʻlsa, topilgan kameralar haqida sizni xabardor qiladi.
Qayd etilishicha, potensial yashirin kameralarni aniqlash uchun smartfon atrofdagi Wi-Fi tarmoqlarini skanerlaydi. Ingram dasturi ham xuddi shunday ishlaydi. Bu xususiyat notanish joylarda toʻxtagan sayohatchilar uchun foydali boʻlishi mumkin.
Yashirin kameralarni aniqlash funksiyasiga ega HyperOS 2.0ʼning chiqarilishi 2024-yilning oktyabrida — HyperOS 1.0 chiqarilganidan bir yil oʻtib kutilmoqda. Xiaomi HyperOS va Xiaomi 14 ni Xitoyda 2023-yil oktyabr oyida taqdim etdi. Bu kompaniyaning yangi xususiy proshivkadan foydalanadigan smartfonlarining birinchi qatori edi. OSʼning global versiyasi 2024-yil yanvarida debyut qilingan.
HyperOSʼning chiqarilishidan oldin Xiaomi smartfonlari MIUI mikrodasturida ishlagan, uning birinchi versiyasi 2010-yilda chiqarilgan va kompaniyaning birinchi mahsuloti edi.
