Xiaomi Smart Band 9 smart-brasleti taqdim etildi
Xiaomi yangi aqlli bilaguzuk Smart Band 9ʼni taqdim etdi. Yangi mahsulot nisbatan kuchli batareyaga ega boʻlib, u Always On Display funksiyasidan foydalanilmaganda 21 kungacha, bu funksiya faollashtirilganda esa 9 kungacha quvvatlanmasdan ishlay oladi.
O‘xshash mavzular
02.04.2025
Oldingi model bilan solishtirganda, Xiaomi Smart Band 9 koʻrinishi deyarli oʻzgarishsiz qoldi. Qurilma 60 Gts yangilanish tezligiga ega 1,6 dyuymli OLED ekran va yangilangan Bluetooth 5.4 moduli bilan jihozlangan. Bilaguzuk 150 dan ortiq mashgʻulot rejimini qoʻllab-quvvatlaydi va suv oʻtkazmaydigan korpusga ega.
Kompaniya yurak urish tezligi sensori aniqligini oldingi avlodga nisbatan 16 foizga yaxshilaganini maʼlum qildi. Shuningdek, u uyqu paytida nafas olish muammolarini aniqlashning aniqligini yaxshilash uchun Pekin universiteti bilan hamkorlikni yoʻlga qoʻygan.
Tez almashtiriladigan turli xil tasma toʻrt rangda taqdim etildi: pushti, qora, oq va koʻk. Oʻrnatilgan akkumulyator sigʻimi 233 mA/soatni tashkil etadi, bu 190 mA/soat boʻlgan avvalgisidan ancha yuqori. NFC modeli baʼzi avtomobil modellari uchun kalit sifatida ishlatilishi mumkin.
O‘xshash mavzular
