Yangi OIV profilaktikasi preparati 100 foiz samaradorlikni koʻrsatdi
Amerikaning Gilead Sciyences farmatsevtika kompaniyasi OIV infeksiyasidan oldingi profilaktika uchun yangi dorining klinik sinovlarini yakunladi. Ukol jinsiy aloqa orqali virus tarqalishining oldini olishda 100 foiz samarali ekani isbotlandi.
OIVga taʼsir qilishdan oldingi profilaktika (PrEP) ilgari Truvada va Descovy nomlari ostida mavjud edi. Ammo ularni har kuni qabul qilish kerak boʻlgan. Lenakapavir deb ataladigan yangi dorini esa yiliga ikki marta ichish kerak.
Lenakapavir kapsid ingibitori deb ataladi. OIVda kapsid virusli genetik materialni himoya qiluvchi va virus tarqalishida muhim rol oʻynaydigan oqsil qobigʻi hisoblanadi. Inson hujayrasiga kirgandan soʻng kapsid toʻkiladi va virus koʻpaya boshlaydi. Yangi dori buning oldini oladi. Yuqorida tilga olingan Truvada va Descovy dorilari boshqacha prinsip asosida ishlaydi.
Gilead Sciyences olimlari allaqachon inyeksiyani sinovdan oʻtkazishning uch bosqichini oʻtkazdi va bu uchinchi bosqich eng istiqbolli boʻlib chiqdi. Xavfsizlik va samaradorlik nuqtai nazaridan, Janubiy Afrika va Ugandada 16 yoshdan 25 yoshgacha boʻlgan 5300 dan ortiq sisgender ayollar va qizlarda Truvada va Descovyʼning bir martalik dozalari bilan taqqoslandi.
Lenakapavir guruhidagi ishtirokchilar orasida OIV infeksiyasi holatlari kuzatilmagan, Truvada va Descovy guruhlarida mos ravishda 16 va 39 holatlar mavjud. Yangi inyeksiya shu qadar yaxshi tolerantlik va xavfsizlik natijalarini koʻrsatdiki, mustaqil maʼlumotlar monitoringi qoʻmitasi tadqiqotning koʻr-koʻrona bosqichini toʻxtatishni va preparatni barcha ishtirokchilarga taklif qilishni tavsiya qildi.
