Abduqodir Husanov Fransiya chempionatida oyning eng yaxshi yosh futbolchisi deb topildi
Oʻzbekistonlik futbolchi muxlislar orasida oʻtkazilgan soʻrovnomada katta ustunlik bilan gʻalaba qozondi.
100 nafar doʻstingizni taklif qilib, iPhone 16 Pro yutib oling!
Oʻzbekistonlik futbolchi Abduqodir Husanov Fransiyaning “Lans” klubida ajoyib natijalar koʻrsatib, Fransiya chempionatining oktyabr oyidagi “Eng yaxshi yosh futbolchisi” sifatida eʼtirof etildi.
Husanovning ushbu gʻalabasi uchun muxlislar orasida oʻtkazilgan soʻrovnomada katta ustunlikka ega boʻldi. Mukofot uchun asosiy raqobatchilar sifatida “Marsel” himoyachisi Jonatan Rou va “Lion” futbolchisi Malik Fofana ham ishtirok etishdi. Abduqodir soʻrovda 47% ovoz toʻplab, ularni ortda qoldirdi. Jonatan Rou 28% va Malik Fofana 25% ovoz bilan ortidan keldi.
20 yoshli futbolchi oktyabrda “Lans” safida barcha 3 oʻyinda qatnashdi va Sofascore baholariga koʻra oʻrtacha 7 ballik koʻrsatkich bilan maydonga tushdi. Shu yilgi mavsumda u klub bilan 11 oʻyin oʻtkazishga muvaffaq boʻldi.
