Aktrisa Luiza Rasulova barabanchi bo‘ldi
Taniqli aktrisa Luiza Rasulova muxlislarini kutilmagan harakati bilan hayratda qoldirdi. San’atkor vaqtincha kasbini o‘zgartirib, barabanchi sifatida sahnaga chiqdi. Uning bu noodatiy chiqishi tomoshabinlarda katta qiziqish uyg‘otdi.
Aktrisa o‘zining Instagram sahifasida baraban chalib turgan videosini joylashtirdi. Videoda u musiqachining o‘rnini egallab, maromida baraban chalayotgani aks etgan. Luizaning bunday iqtidorini ko‘rgan muxlislari ijtimoiy tarmoqlarda uni “ko‘p qirrali san’atkor” deb ta’riflashdi.
Aktrisa videoga “Buxoro, bugun to‘yda, yarim stavkada ishladim” degan hazilomuz yozuv qoldirgan. Videoda u mehmonlar orasida quvnoq muhit yaratgani, odamlarning esa uning o‘yinidan mamnun bo‘lib, yaqin kelib pul berayotgani aks etgan.
Luiza Rasulova ilgari ham o‘zining kutilmagan chiqishlari bilan muxlislarni ajablantirib kelgan. Uning bu safargi chiqishi esa nafaqat quvnoqlik, balki ijodiy erkinlik ramzi sifatida ham baholanmoqda. Aktrisa har doimgidek o‘zining ijobiy energiyasi bilan ijtimoiy tarmoqlarda katta rezonans uyg‘otdi.
O‘xshash mavzular
