Bu hafta Apple M4 chipli kompyuterlarni namoyish etadi. Yangiliklarning toʻliq roʻyxati
Odatda Apple kuzda ikkita taqdimot oʻtkazadi: avval iPhone va Apple Watch, keyinroq esa — yangilangan kompyuterlar. Bu safar kompaniya iMac va Macbookʼni soddalashtirilgan formatda — oʻz veb-sayti orqali, taqdimotsiz koʻrsatishga qaror qildi. Toping.uz joriy haftada rasman taqdim etiladigan qurilmalar haqida barcha maʼlumotlarni toʻpladi.
50 nafar doʻstingizni taklif qiling va iPhone 16 Pro yutib oling
Hammasi boʻlib toʻrtta yangilik kutilmoqda: iMac, Macbook Pro (14 va 16 dyuym), shuningdek, Mac Mini.
Ushbu modellar M4 chiplarini oladi — u iPad Proʼda debyut qildi. Bir vaqtning oʻzida chipning yanada kuchli versiyalari — M4 Pro va M4 Max premyerasi kutilmoqda.
Macbook Pro 2024 (M4)
Joriy maʼlumotlarga koʻra, noutbuk dizayni avvalgidek qoladi - oʻzgarishlar faqat nachinkaga taʼsir qiladi. Faqat qora rang nafaqat kuchliroq variantlar uchun, balki M4 bilan boshlangʻich model uchun ham paydo boʻladi.
Muhim oʻzgarish — birlamchi 16 GB operativ xotira boʻladi. Qoʻshimcha ikkita yadro bilan qoplangan M4 M3 ga nisbatan taxminan uchdan bir qismga kuchliroq boʻladi. Kuchliroq Pro va Max chiplari haqida hozircha deyarli maʼlumot yoʻq.
iMac 2024 (M4)
“Hammasi bir joyda” iMac kompyuteri bilan ham xuddi shunday vaziyat: korpus avvalgi, lekin chip yangi va yana 16 GB operativ xotira allaqachon bazada. Boshqa yangiliklarni kutishning hojati yoʻq, faqat butun periferiya (klaviatura, sichqoncha) USB-C ulagichiga oʻtkaziladi va Lightning markali interfeysi butunlay oʻtmishga oʻtadi.
Mac Mini 2024 (M4)
Ammo Mac Mini yangi dizaynga ega boʻladi, garchi shakl omili avvalgidek qolishi aniq. Bu oʻzi bilan olib yurish qulay boʻlgan ixcham kompyuter boʻlib, juda katta quvvatga ega boʻlsada, stolda kam joy egallaydi. Korpus kichikroq boʻladi va rozetkalardan faqat USB-C boʻladi — odatiy USB-A yoʻq.
***
Koʻrinishidan, yangiliklar bir hafta davomida asta-sekin Apple veb-saytida paydo boʻladi. Toping.uz barcha premeralar haqida tezda maʼlumot beradi.
