05.11.2024
Auksionda “chiroyli” avtoraqam qariyb 330 mln soʻmga sotildi
Muallif
Shohzamon Shuhratov
Jismoniy va yuridik shaxslar tomonidan bir kunda savdo platformasi orqali jami 4,07 mlrd soʻmlik avtoraqamlar xarid qilingan.
Auksion orqali sotuvga qoʻyilgan maxsus avtoraqamlar orasida bir raqam taxminan 330 million soʻmga sotilib, kunning eng qimmat savdosi boʻldi.
Respublika tovar-xomashyo birjasi matbuot xizmati xabariga koʻra, shu kuni avtoraqam.uzex.uz platformasida oʻtkazilgan savdoda umumiy 4,07 milliard soʻmlik avtoraqamlar sotilgan.
Bu savdolarda jismoniy va yuridik shaxslar jami 971 dona avtomobil raqamlarini xarid qilishgan va bitta bitimning oʻrtacha qiymati 4,2 million soʻmni tashkil etgan.
Savdoda eng arzon avtoraqam 1,9 million soʻmga, eng qimmat avtoraqam esa 329,6 million soʻmga olingan.
