27.11.2024
Toshkentda oltita avtobus yoʻnalishi vaqtincha oʻzgartirildi
Muallif
Shohzamon Shuhratov
Taras Shevchenko koʻchasi bir oyga barcha transport turlari uchun yopilishi munosabati bilan ushbu hududdagi avtobus yoʻnalishlari vaqtincha oʻzgartirildi.
Kinolarni bepul ko‘rish imkoniyati!
U yerda gastronomik koʻcha yaratish boʻyicha qurilish ishlarining ikkinchi bosqichi davom etmoqda.
Quyidagi avtobus yoʻnalishlari 27-noyabrdan 25-dekabrgacha chizmada koʻrsatilganidek harakatlanadi:
- 16, 26, 37, 80-sonli avtobus yoʻnalishlari harakati Nukus, Amir Temur, Fidokor koʻchalari orqali oʻzgartiriladi;
- 22, 55-sonli avtobus yoʻnalishlari harakati vaqtincha Nukus, Oybek, Shaxrisabz koʻchalari orqali oʻzgartiriladi.
Taʼkidlanishicha, buning oqibatida qatnov vaqti va avtobuslarning oraliq vaqtlari amaldagi vaqtlardan ortib ketishi holatlari yuzaga kelishi mumkin.
O‘xshash mavzular
