Bahodir Jalolov kutilmagan katta yangilikni eʼlon qildi
Oʻzbekistonlik ikki karra Olimpiya chempioni Bahodir Jalolov super ogʻir vazn toifasida mutlaq jahon chempioni ukrainalik Oleksandr Usikga qarshi ringga chiqishni xohlayotganini maʼlum qildi.
O‘xshash mavzular
04.04.2025
Jalolov bir necha oy vaqt berilsa, Oleksandr Usik va Entoni Joshua bilan jang qilishga tayyor boʻlishi haqida gapirdi:
Menga ikki-uch oy vaqt bering. Biroz shugʻullansam, Usik va Entoni Joshua bilan jangga tayyor boʻlaman. Oʻylaymanki, bu qarama-qarshiliklar muxlislar uchun qiziq boʻladi. Ular ham men kabi Olimpiya chempionlari hisoblanadi, shuningdek professional boksda ham katta yutuqlarga erishishgan. Ehtiyot boʻling, men yoʻlga chiqdim, dedi Jalolov The Ring nashriga bergan intervyusida.
Bahodir Jalolov 2021 va 2024-yilgi Olimpiadalarda oltin medalni qoʻlga kiritgan. Professional boksda esa 14 ta jangning barchasida raqiblarini nokautga uchratgan. U 5-aprel kuni Ostonada ukrainalik Igor Shevadzutskiyga qarshi ringga chiqadi.
2012-yilgi Olimpiya chempioni Oleksandr Usik esa professional boksda hozirgacha magʻlubiyatsiz yurishini davom ettirib kelmoqda (23-0) va super ogʻir vaznda mutlaq jahon chempioni hisoblanadi.
