Bahodir Jalolovning profboksdagi navbatdagi raqibi maʼlum boʻldi
Oʻzbekistonlik chempion fransiyalik Devid Spilmont bilan bahslashadi.
Kinolarni bepul ko‘rish imkoniyati!
2025-yil 6-fevral kuni Kanadaning Monreal shahrida professional boks oqshomi tashkil etiladi. Unda superogʻir vazn toifasida Bahodir Jalolov ham ringga koʻtariladi. Unga fransiyalik Devid Spilmont raqiblik qiladi, deb xabar berdi Oʻzbekiston professional boks federatsiyasi.
Bahodir Jalolov professional boksdagi faoliyati davomida hozirga qadar 14 ta jang oʻtkazib, barchasida gʻalaba qozongan. Soʻnggi jangini 2023-yil 17-noyabr kuni Toshkentda JAR vakili Kris Tompsonga qarshi oʻtkazib, ilk raunddayoq nokaut orqali zafar quchgandi.
Uning boʻlajak raqibi Devid Spilmont shu kungacha 27 ta jang oʻtkazib, 16 gʻalaba, 8 magʻlubiyat va 1 ta durang qayd etgan. Gʻalabalarining 11 tasini nokaut orqali qoʻlga kiritgan. Boks oqshomida oʻzbekistonlik Artur Biyarslanov va fransiyalik Muhammad Mimun oʻrtasida ham jang boʻlib oʻtadi.
O‘xshash mavzular
