Bolalar shifoxonasi bemorlar bilan oʻyin oʻynash uchun geymerni ishga oldi
Shotlandiyaning Glazgo shahrida joylashgan Qirollik bolalar shifoxonasi oʻyin mutaxassisini yolladi. Stiven Mayr ismli yangi xodimning asosiy vazifasi ish vaqti davomida bolalar bilan video oʻyinlar oʻynashdan iborat. Bu gʻayrioddiy lavozim haqidagi batafsil maʼlumotlarni Engadget sayti xabar qilmoqda.
50 nafar doʻstingizni taklif qiling va iPhone 16 Pro yutib oling
Stivenning vazifalari orasida shifoxona hududida oʻyin tadbirlarini uyushtirish, oʻyin jihozlarini sotib olish uchun mablagʻ toʻplash va koʻngillilar faoliyatini muvofiqlashtirish bor. Ushbu lavozim shifoxona hamkorlarining koʻmagi tufayli tashkil etildi.
Video oʻyinlardagi hamrohi tufayli kichik bemorlar oʻzlarini ancha yaxshi his qilishadi, deb hisoblaydi 7 yoshli bemorlardan birining onasi. Tibbiy muolajalar bolalarda (baʼzan kattalarda ham) stress holatini keltirib chiqaradi va jismoniy noqulaylik bilan kechishi mumkin. Video oʻyinlar esa koʻpchilikka yoqadi - bu esa davolanish paytida bolalarga yordam beradi.
