Chirchiqda o‘nlab gektar maydonda “O‘rmon bog‘i” tashkil etildi
Chirchiqda ko‘p yillar qarovsiz yotgan hudud o‘rnida 68 gektar maydonda zamonaviy “O‘rmon bog‘i” ochildi. Hududning yarmi to‘liq obodonlashtirildi: sayr qilish uchun keng yashil xiyobonlar, zamonaviy amfiteatr, sport va dam olish zonalari paydo bo‘ldi.
Kino va seriallarni 7 kun bepul tomosha qiling
Yaqin-yaqingacha bu hudud mahalliy aholini xavotirga solib, hafsalasini pir qilardi — qarovsiz chakalakzorlar, vayron bo‘layotgan binolar va infratuzilmaning yo‘qligi.
Bugungi kunda 5 gektardan ziyod maydonni egallagan 3 mingdan ortiq daraxt va bedazorlar bu yerda o‘zgacha muhit yaratmoqda. 3,4 gektargacha kengaytirilgan ko‘l oqqushlar va o‘rdaklar makoniga aylandi, uning perimetri bo‘ylab yugurish yo‘lagi yotqizildi.
Shuningdek, bog‘da arqon shaharchasi, skeyt maydonchalari, mashq qilish zonalari, qoya va Zip Coaster ekstremal attraksionlari mavjud. Suvga qaragan amfiteatr konsert va festivallarni qabul qilishi mumkin bo‘ladi.
Yoritish, videokuzatuv o‘rnatilgan, avtoturargoh tashkil etilgan. Barcha piyodalar yo‘nalishlari nogironligi bo‘lgan shaxslarning ehtiyojlarini hisobga olgan holda loyihalashtirilgan.
Bog‘ning ochilish marosimi 1-iyun — Xalqaro bolalarni himoya qilish kuniga bag‘ishlandi. Uni allaqachon Chirchiqning yangi tashrif qog‘ozi deb atashmoqda - bu yerda shaharliklar dam olishlari, sport bilan shug‘ullanishlari va shahar markazida tabiat bilan yolg‘iz qolishlari mumkin.
O‘xshash mavzular
