Botir Qodirovga oid kutilmagan katta yangilik eʼlon qilindi
Shoir Shamsiddin Toʻrayev xonanda Botir Qodirov ustidan tegishli tartibda mualliflik haqini toʻlamasdan sheʼrlarini qoʻshiq qilgani uchun Adliya vazirligiga shikoyat qildi. Bu haqda Adliya vazirligi Intellektual mulk departamenti xabar berdi.
O‘xshash mavzular
02.04.2025
Qayd etilishicha, Adliya vazirligi tomonidan “Shamsiddin Sadoiy” tahallusi bilan tanilgan shoir Shamsiddin Toʻrayevning murojaati asosida “Davlating borida”, “Omonat” va “Tingla doʻstim” nomli sheʼrlari xonanda Botir Qodirov tomonidan huquq egasi ruxsatisiz hamda tegishli tartibda mualliflik haqini toʻlamasdan foydalanilgani aniqlangan.
Holat yuzasidan huquqbuzarga nisbatan Maʼmuriy javobgarlik toʻgʻrisidagi kodeksning 177-1-moddasi (Mualliflik huquqini va turdosh huquqlarni buzish) bilan maʼmuriy huquqbuzarlik toʻgʻrisidagi bayonnoma rasmiylashtirilib, tegishli sudga yuborilgan.
Toshkent shahar jinoyat ishlari boʻyicha Chilonzor tuman sudining qaroriga koʻra, huquqbuzarga nisbatan Oʻzbekiston Respublikasi Maʼmuriy javobgarlik toʻgʻrisidagi kodeksning 177-1-moddasining birinchi qismi bilan bazaviy hisoblash miqdorining 5 baravari miqdorida – 1 mln 875 ming soʻm jarima jazosi tayinlangan.
Maʼlumot uchun, Oʻzbekiston Respublikasi “Mualliflik huquqi va turdosh huquqlar toʻgʻrisida”gi qonunining 65-moddasiga asosan muallif yoki mutlaq huquqlarning boshqa egasi huquqbuzardan zarar qoplanishi oʻrniga bazaviy hisoblash miqdorining yigirma baravaridan ming baravarigacha miqdorda toʻlanishi lozim boʻlgan tovonni toʻlashini talab qilishga haqli hisoblanadi.
O‘xshash mavzular
