Eronlik rejissyor Ja’far Panohiyning “Oddiy tasodif” filmi Kann kinofestivalining bosh sovrinini qo‘lga kiritdi
Eronlik rejissyor Ja’far Panohiyning “Oddiy tasodif” filmiga 78-Kann festivalining oltin palma novdasi topshirildi. Bu haqda kinofestivalning yopilish marosimida ma’lum qilindi.
Kinolarni bepul ko‘rish imkoniyati!
Kann festivalining ikkinchi eng muhim mukofoti bo‘lgan Gran-prini daniyalik rejissyor Yoakim Triyerning “Sentimental qiymat” kartinasi qo‘lga kiritdi.
Eng yaxshi rejissyor mukofotini “Maxfiy agent” filmi uchun braziliyalik rejissyor Kleber Mendonsa Filo qo‘lga kiritdi. Eng yaxshi ssenariy uchun mukofotni Jan-Per Darden va Lyuk Darden “Yosh onalar” fransuz-belgiya filmi uchun qo‘lga kiritdi.
“Maxfiy agent” filmida bosh rolni ijro etgan braziliyalik Vagner Moura eng yaxshi aktyor deb topildi. Eng yaxshi ayol roli uchun mukofot aktrisa Nadya Mellitiga rejissyor Afsiya Yerzining “Kichik singil” filmi uchun berildi.
Hakamlar hay’ati sovrinni fransuz rejissyori Oliver Lashe tomonidan suratga olingan “Sirot” va nemis rejissyori Masha Shilinski tomonidan suratga olingan “Qulash tovushi” kartinalariga topshirdi.
2025-yilda Kann festivalining asosiy tanlovida jami 22 ta kartina ishtirok etdi.
O‘xshash mavzular
